របាយការណ៍៖​ ស្ថាប័នហិរញ្ញវត្ថុ ៣០០នាក់ វិនិយោគទឹកប្រាក់៧៤៨ ដុល្លារ ក្នុងក្រុមហ៊ុនផលិត អាវុធនុយក្លេអ៊ែរកំពូល ៗ

តូក្យូ៖ យោងតាមរបាយការណ៍របស់អង្គការ មិនមែនរដ្ឋាភិបាលអន្តរជាតិមួយថា ស្ថាប័នហិរញ្ញវត្ថុជាង ៣០០ នៅលើពិភពលោកបានវិនិយោគ ទឹកប្រាក់សរុប ៧៤៨ ពាន់លានដុល្លារ នៅក្នុងក្រុមហ៊ុនដែលពាក់ព័ន្ធនឹង ឧស្សាហកម្មអាវុធនុយក្លេអ៊ែរក្នុងរយៈពេល២ឆ្នាំ គិតមកដល់ខែមករា ។

ក្នុងចំណោមវិនិយោគិន ៣២៥ នាក់មាន ៨ នាក់ជាស្ថាប័នហិរញ្ញវត្ថុជប៉ុន ដែលមានទឹកប្រាក់វិនិយោគសរុប ២៥,៥ ពាន់លានដុល្លារ។ ក្រុមហ៊ុនទាំង ៨ នោះរួមមានក្រុមហ៊ុន Mitsubishi UFJ Financial Group Inc ក្រុមហ៊ុន Mizuho Financial Group Inc និងក្រុមហ៊ុន Sumitomo Mitsui Financial Group Inc ។

វិនិយោគិន ១៨ នាក់ដែល PAX ហៅថា “ ក្រុមហ៊ុនផលិតអាវុធនុយក្លេអ៊ែរកំពូលទាំង ១៨” រួមមានក្រុមហ៊ុន Boeing Co និង Lockheed Martin Corp ជាក្រុមហ៊ុនការពារជាតិដ៏ធំ របស់សហរដ្ឋអាមេរិកដែលចូលរួមក្នុងការ ផលិតមីស៊ីលបាលីស្ទិកអន្តរទ្វីបនុយក្លេអ៊ែររយៈចម្ងាយឆ្ងាយ។

យោងតាមលោកស្រី Susi Snyder សមាជិករបស់ PAX ជាអ្នកនិពន្ធសំខាន់នៃរបាយការណ៍ថ្មីនេះថា ការវិនិយោគសរុបបានកើនឡើង ៤២ ភាគរយពីចំនួនសរុបនៅក្នុងរបាយការណ៍មុនគ្របដណ្តប់ក្រុមហ៊ុនចំនួន ២០ ក្នុងរយៈពេលចន្លោះពីខែមករាឆ្នាំ ២០១៤ ដល់ខែតុលាឆ្នាំ ២០១៧។

ការវិនិយោគសរុបកំពុងកើនឡើងនៅពេល រដ្ឋអាវុធនុយក្លេអ៊ែរដូចជាសហរដ្ឋអាមេរិក និងរុស្ស៊ីកំពុងជំរុញការពង្រីកអាវុធ និងការអភិវឌ្ឍអាវុធនុយក្លេអ៊ែរថ្មី។ លោកស្រីបានសន្មតថា ការកើនឡើងនេះដល់ការកើនឡើងចំនួន ១៩២ ភាគរយដោយក្រុមហ៊ុន Boeing និងការកើនឡើង ៣០០ ភាគរយដោយក្រុមហ៊ុនការពារជាតិបារាំង Thales SA ៕

ដោយ៖ លី ភីលីព