យោងតាម ប្រព័ន្ធផ្សព្វផ្សាយបរទេសបាន ឲ្យដឹង ថាក្លឹប Atletico Madrid ស្ថិតក្នុងចំណោមក្លឹបអឺរ៉ុប មួយចំនួនដែលចាប់អារម្មណ៍ក្នុងការ ចុះហត្ថលេខាលើខ្សែបម្រើសញ្ជាតិប្រេស៊ីល Evander ពីក្លឹប Midtjylland របស់ដាណឺម៉ាក។
កីឡាករវ័យ ២២ ឆ្នាំរូបនេះបានទាក់ទាញក្លឹបធំៗ ជាច្រើនតាមរយៈទំរង់លេងដ៏ មានទេពកោសល្យរបស់ខ្លួនចាប់តាំង ពីបានចូលរួមជាមួយនឹងMidtjylland ពីក្លឹប Vasco da Gama ក្នុងឆ្នាំ ២០១៨ ។ កាលពីរដូវកាលមុនគាត់បង្ហាញខ្លួនបាន ៣២ លើកនៅគ្រប់ការប្រកួតទាំងអស់ដោយស៊ុតបញ្ចូលទីបាន ៩ គ្រាប់និងជួយបញ្ចូនបាល់បាន ១១ ដងផង។
គួរឲ្យដឹងដែរថាទីភ្នាក់ងារសារព័ត៌មាន Gazeta Esportiva បានរាយការណ៍កាលពីថ្ងៃចន្ទម្សិលមិញថាក្លឹប Midtjylland កំពុងតែស្វែងធ្វើការទាមទារជា ទឹកប្រាក់យ៉ាងតិច ១០ លានអឺរ៉ូសម្រាប់ កីឡាករឆ្នើមរបស់ខ្លួនរួបនេះ៕ ប្រែសម្រួល៖ស៊ុនលី
