ទីក្រុងឡុងដ៍៖ ក្រុមអ្នកស្រាវជ្រាវ បាននិយាយថា អតិសុខុមប្រាណ ដែលរស់នៅក្រោមបាតសមុទ្រ ត្រូវបានគេរកឃើញថា អាចរស់បាន ដោយថាមពលតិចជាងមនុស្សយើង ដែលកំណត់ដែនកំណត់ថាមពលទាប សម្រាប់ជីវិតនៅលើផែនដីយើង នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអ្នកស្រាវជ្រាវអន្តរជាតិ ដឹកនាំដោយមហាវិទ្យាល័យ Queen Mary នៃទីក្រុងឡុងដ៍ បានប្រើប្រាស់ទិន្នន័យ ពីអនុតំបន់សមុទ្រ ដើម្បីបង្កើតរូបភាពពិភពលោកថ្មី នៃជីវឧស្ម័នមហាសមុទ្រ។ ពួកគេបានរកឃើញថា មីក្រូជីវសាស្រ្ត ដែលបានកប់ក្នុងដីល្បាប់ ក្រោមបាតសមុទ្រ អាចរស់នៅដោយថាមពល តិចជាងអ្វីដែលគេដឹងពីមុន ដើម្បីទ្រទ្រង់ជីវិត។
ក្រុមអ្នកស្រាវជ្រាវ បាននិយាយថា ការសិក្សានេះ មានជាប់ទាក់ទង សម្រាប់ការស្វែងយល់ ពីដែនកំណត់នៃជីវិត នៅលើផែនដី និងសក្តានុពលសម្រាប់ជីវិត នៅកន្លែងផ្សេងទៀត នៅក្នុងប្រព័ន្ធព្រះអាទិត្យ។
អ្នកស្រាវជ្រាវ បានបញ្ចូលទិន្នន័យ ស្តីពីការចែកចាយ និងបរិមាណនៃកាបូន និងអតិសុខុមប្រាណ មាននៅក្នុងជីវមណ្ឌលរបស់ផែនដី ជាមួយនឹងអត្រាប្រតិកម្មគីមី។ ដោយប្រើព័ត៌មាននេះ ពួកគេអាចកំណត់ ការប្រើប្រាស់ថាមពលអគ្គិសនី របស់កោសិកាអតិសុខុមប្រាណនីមួយៗ និយាយជាអត្រា ដែលពួកគេប្រើប្រាស់ថាមពល។
ជីវិតទាំងអស់នៅលើផែនដី ប្រើប្រាស់ថាមពលឥតឈប់ឈរ ដើម្បីនៅតែសកម្មទ្រទ្រង់ ការរំលាយអាហារ និងបំពេញមុខងារសំខាន់ៗ ដូចជាការលូតលាស់ និងការជួសជុលជីវម៉ាស៕ ដោយ៖លី ភីលីព
