ញូវយ៉ក ៖ មនុស្ស២នាក់ ដឹងពីបញ្ហានេះ បានប្រាប់ឲ្យដឹងថា អ្នកជំនាញបានបង្កើន ការសង្ស័យលើ សមត្ថភាព របស់ Twitter ក្នុងការដាក់ហិរញ្ញប្បទានរួមគ្នា សម្រាប់កិច្ចព្រមព្រៀង សក្តានុពលមួយ បន្ទាប់ពីក្រុមហ៊ុន Twitter Inc បានទាក់ទងទៅ ម្ចាស់កម្មវិធីTikTokរបស់ចិន គឺ ByteDance ដើម្បីបង្ហាញចំណាប់អារម្មណ៍ ក្នុងការទទួលបានប្រតិបត្តិការ អាមេរិកពីកម្មវិធីចែករម្លែកវីដេអូ យោងតាមការចេញផ្សាយ ពីគេហទំព័រជប៉ុនធូដេ ។
ប្រភពនេះបាននិយាយថា វាមិនច្បាស់ទេថាTwitter នឹងអាចលក់ដាច់ឲ្យក្រុមហ៊ុន Microsoft Corp និងបញ្ចប់កិច្ចព្រមព្រៀងផ្លាស់ប្តូរ បែបនេះក្នុងរយៈពេល ៤៥ ថ្ងៃ ដែលប្រធានាធិបតីអាមេរិកដូ ណាល់ត្រាំបានផ្តល់ឲ្យ ByteDance យល់ព្រមលក់ ។ ព័ត៌មានរបស់ Twitter និង TikTok កំពុងស្ថិតក្នុងការពិភាក្សាបឋមហើយក្រុមហ៊ុន Microsoft នៅតែត្រូវបានគេមើលឃើញថា ជាអ្នកឈានមុខគេក្នុងការដេញថ្លៃ សម្រាប់ប្រតិបត្តិការ របស់សហរដ្ឋអាមេរិកត្រូវបាន រាយការណ៍ដោយកាសែត Wall Street Journal ។
Twitter មានមូលធននីយកម្មទីផ្សារជិត ៣០ កោដិដុល្លារ ដែលស្ទើរតែស្មើនឹងការ វាយតម្លៃទ្រព្យសម្បត្តិរបស់ TikTok ត្រូវបញ្ឈប់ហើយនឹងត្រូវការ ប្រមូលដើមទុនបន្ថែមទៀត ដើម្បីផ្តល់មូលនិធិដល់កិច្ចព្រមព្រៀងនេះ។ លោក Erik Gordon សាស្រ្តាចារ្យនៅសាកលវិទ្យាល័យ Michigan បានមានប្រសាសន៍ថា Twitter នឹងមានការលំបាក ក្នុងការដាក់ហិរញ្ញប្បទានគ្រប់គ្រាន់ ដើម្បីទទួលបានប្រតិបត្តិការ TikTok សហរដ្ឋអាមេរិក។ វាមិនមានសមត្ថភាពខ្ចីប្រាក់គ្រប់គ្រាន់ទេ៕
ដោយ៖លី ភីលីព
