ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៣ ខែសីហា ឆ្នាំ២០២០ថា ក្រសួងការពារជាតិរុស្ស៊ី បានឲ្យដឹងថា យន្តហោះប្រតិកម្មរបស់រុស្ស៊ី Su-27 បានសំកាំងខ្លួននៅពីលើសមុទ្រខ្មៅ កាលពីថ្ងៃពុធ ក្នុងគោលដៅស្ទាក់មុខយន្តហោះ ស៊ើបការណ៍របស់សហរដ្ឋអាមេរិក ។
សេវាកម្មផ្សព្វផ្សាយព័ត៌មាន Zvezda របស់ក្រសួងការពារជាតិបានឲ្យដឹងថា “កាលពីថ្ងៃទី១២ ខែសីហា ប្រព័ន្ធត្រួពិនិត្យដែនអាកាសរបស់រុស្ស៊ី បានរកឃើញគោលដៅយន្តហោះចំនួន ២គ្រឿង ដែលបានហោះគៀក នឹងព្រំដែនដែនរបស់រុស្ស៊ី នៅឯសមុទ្រខ្មៅ” ។
ប្រព័ន្ធផ្សព្វផ្សាយបានឲ្យដឹងថា យន្តហោះប្រតិកម្មSu-27 ចំនួន ១គ្រឿង ដែលស្ថិតក្រោមការគ្រប់គ្រង ដោយយោធាស្រុកនៅភាគខាងត្បូង ត្រូវបានហោះឡើងដើម្បី ស្ទាក់មុខគោលដៅទាំងនោះ ។
សហសេវឹកនៅលើយន្តហោះប្រតិកម្ម បានកំណត់អត្តសញ្ញាណគោលដៅ ដែលយន្តហោះស៊ើបការណ៍របស់អាមេរិក ចេញពីកងកម្លាំងយោធាអាកាសអាមេរិក គឺមានយន្តហោះ RC-135 និងយន្តហោះចេញពីនាវាល្បាត P-8A Poseidon ។
បន្ទាប់ពីយន្តហោះរបស់អាមេរិក បានហោះផុតពីព្រំដែនេបស់រុស្ស៊ី យន្តហោះប្រតិកម្មរបស់រុស្ស៊ី បានវិលមកមូលដ្ឋានរបស់ខ្លួនវិញ ប្រកបដោយសុវត្ថិភាព ៕
ប្រែសម្រួលដោយ៖ ម៉ៅ បុប្ផាមករា
