ម៉ូស្គូ៖ ប្រទេសរុស្ស៊ី បានបង្ហាញរូបថតដ៏កម្រ នៃការប្រយុទ្ធប្រឆាំងនឹងកងទ័ពជប៉ុន នៅសម័យម៉ាន់ជូរី ក្នុងសង្គ្រាមលោកលើកទី ២ ក្នុងឆ្នាំ១៩៤៥ ដែលបង្ហាញពីការចូលរួម របស់ទីក្រុងម៉ូស្គូ ក្នុងការរំដោះកូរ៉េ ពីការគ្រប់គ្រង របស់អាណានិគមរបស់ជប៉ុន។
ស្ថានទូតរុស្ស៊ីនៅទីក្រុងសេអ៊ូល បានចេញផ្សាយរូបថតនេះ ទៅកាន់ទីភ្នាក់ងារសារព័ត៌មានយ៉ុនហាប់ មួយថ្ងៃមុនពេលកូរ៉េខាងត្បូង ប្រារព្ធខួបលើកទី៧៥ នៃការរំដោះខ្លួន ពីអាណានិគមរបស់ជប៉ុន នៅឆ្នាំ១៩១០-៤៥ នៃឧបទ្វីបកូរ៉េ។
ជម្លោះរវាងប្រទេសទាំងពីរ ឆ្ពោះទៅចុងបញ្ចប់ នៃសង្គ្រាមលោកដ៏សាហាវ បានបញ្ឈប់ការគ្រប់គ្រងរបស់ជប៉ុន នៅម៉ាន់ជូរីផ្នែកខ្លះនៃម៉ុងហ្គោលី និងកូរ៉េ និងតំបន់ផ្សេងទៀត ហើយនាំឱ្យមានការចុះចាញ់របស់តូក្យូ។
ស្ថានទូតបានឲ្យដឹងថា“ ចាត់វិធានការដោះស្រាយ ដោយថ្នាក់ដឹកនាំសូវៀត និងអាជ្ញាធរយោធា ដែលបានចូលរួមចំណែក ក្នុងការរំដោះឧបទ្វីបកូរ៉េ និងផ្នែកធំនៃទឹកដីចិន ពីយោធាជប៉ុន”៕ ដោយ៖ ឈូក បូរ៉ា
