នៅថ្ងៃនេះគ្រូបង្វឹកក្លឹប Barcelona លោក Quique Setien បានធ្វើការ ប្រៀបធៀប សមត្ថភាពរវាងកីឡាករ Lionel Messi និងកីឡាករ Robert Lewandowski ពោលគឺនៅមុនជំនួបគ្នា នៃការប្រកួតវគ្គ១ភាគ៤ នៃព្រឹត្តិការណ៍ Champion League ។
ព្រលឹមថ្ងៃសៅរ៍ស្អែកនេះ Bayern Munich និងត្រូវប្រកួតប៉ះ Barcelona នៅក្នុងទីក្រុង Lisbonហើយវាក៏ត្រូវបានគេមើលឃើញថា ក៏ជាការប្រជែងគ្រាប់បាល់ រវាងកំពូលកីឡាករ MEssi និង Lewandowski ដែលបច្ចុប្បន្នកំពុងមាន១៣គ្រាប់ដូចគ្នា ក្នុងការប្រកួតប្រជែងពានរង្វាន់ធំបំផុត របស់អ៊ឺរ៉ូបមួយនេះ ។
ទោះបីជាយ៉ាងណាក្តីលោក Setien បានបញ្ជាក់ថា Lewandowski គឺជាខ្សែប្រយុទ្ធដ៏ខ្លាំងម្នាក់ទាំងគ្រោះថ្នាក់ និងមុតស្រួចប៉ុន្តែលោកបានបញ្ជាក់ថា បើនិយាយពី Messi វិញគឺមានកម្រិតខ្ពស់ ជាងឆ្ងាយណាស់ ដោយសារតែគាត់គឺជាកីឡាករ ដែលមកពីពិភពផ្សេង៕
ប្រែសម្រួល៖ស៊ុនលី
