ទីក្រុងញូវយ៉ក៖អ្នកឆ្មាំងសមុទ្រម្នាក់ថត បានសកម្មភាពត្រីឆ្លាមពណ៌ស ដ៏អស្ចារ្យដែលបានលេបត្រីបាឡែនប្រវែងជាង៥ម៉ែត្រ នៅឆ្នេរនៃកោះឡុង Long នៅទីក្រុងញូវយ៉ក សហរដ្ឋអាមេរិក មុនពេលលោតប៉ះជិះស្គីរបស់លោក នេះបើយោងតាមការចេញផ្សាយពីគេហទំព័រឌៀលីម៉ែល។
លោក Jake Kolar បានថតភាពសប្បាយរីករាយ បន្ទាប់ពីលោក និងមិត្តរួមការងារម្នាក់បានចូលទៅក្នុងទឹកដើម្បីស៊ើបអង្កេតត្រីបាឡែនអណ្តែតលើខ្នងរបស់វា។ ឈុតខ្លីៗបង្ហាញពីសត្វត្រីឆ្លាមពណ៌សខាំនៅត្រីបាឡែន បន្ទាប់មកវាហែលទៅរកខ្សែ និងលោតចូលទៅក្នុងស្គីយន្ដហោះមួយរបស់ពួកវា។
អ្នកទាំង២នៅតែរក្សាភាពស្ងប់ស្ងាត់ជាមួយការថតវីដេអូ ដោយបានកើតឡើងនៅថ្ងៃទី ៣១ ខែកក្កដា ខណៈពួកគេបានមើលត្រីឆ្លាម ស្ថិតចុះក្រោមត្រីបាឡែនរហូតដល់ វាបានរសាតដល់ឆ្នេរខ្សាច់។ លោក Kolar មកពីកោះ Long បច្ចុប្បន្នធ្វើការជាអ្នកការពារ ជីវិតនៅឆ្នេរមួយនៃឆ្នេរសមុទ្រ។
លោក និងមិត្តភក្តិម្នាក់កំពុងឃ្លាំមើលយាម នៅពេលពួកគេបានប្រទះឃើញត្រីបាឡែនដ៏ធំមួយមានចម្ងាយ ៩០០ ហ្វីតពីច្រាំងដែលកំពុងអណ្តែតឡើង ផ្ងារពោះ។អ្ន កទាំង ២ បានលោតចុះពីលើយន្តហោះជិះស្គីហើយចេញដំណើរ ទៅស៊ើបអង្កេតកន្លែងកើតហេតុ។
Kolar បាននិយាយថា យើងកំពុងអង្គុយនៅលើ ប៉មមើលទឹកនៅពេលយើងបានឃើញត្រីបាឡែនដែលស្លាប់អណ្តែតចូល។ យើងមានស្គីយន្ដហោះ២ទៅចម្ងាយប្រហែល ៣០០ ម៉ែត្រនៅនាយឆ្នេរហើយនោះជាកន្លែងយើង បានឃើញត្រីឆ្លាម៕ ដោយ៖លី ភីលីព
