អាមេរិក៖ អ្នកវិទ្យាសាស្ត្រជឿជាក់ថា ផ្កាយរបស់យើងមានដៃគូផ្កាយមួយ ដែលអាចត្រូវបាន គេយកទៅបាត់ ដោយវត្ថុតារាសាស្ត្រដទៃទៀត ហើយវាស្ថិតនៅកន្លែងណាមួយ នៅលើផ្លូវ Milky Way បន្ទាប់ពីពួកគេកត់សម្គាល់ថា ផ្កាយកើតចេញពីពពកធូលី និងឧស្ម័ន ហើយជាទូទៅបង្កើតជាមួយដៃគូគោល២ នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមនេះបានណែនាំថា ការបញ្ជូនផ្កាយ នៅក្នុងចង្កោមកំណើត ប្រហែលជាអាចយកព្រះអាទិត្យទី ២ ចេញតាមរយៈឥទ្ធិពល ទំនាញផែនដីរបស់វា ហើយវាអាចនឹងត្រូវឡោមព័ទ្ធ គ្រប់ទីកន្លែងក្នុង Milky Way។ ទិន្នន័យបានស្នើថា Doppelganger ផ្កាយរបស់យើង មានលក្ខណៈប្រហាក់ប្រហែលនឹងម៉ាស់ ហើយនឹងពន្យល់អំពីពពក Oort ជាការប្រមូលផ្តុំ នៃកម្ទេចកម្ទីនៅសល់ ពីការបង្កើតប្រព័ន្ធព្រះអាទិត្យ ដែលព័ទ្ធជុំវិញព្រះអាទិត្យ របស់យើងនៅចម្ងាយ។
ព្រះអាទិត្យមួយទៀត ក៏អាចផ្តល់ជាទំនុកចិត្តដល់វត្តមានរបស់ភព៩ ជាទ្រឹស្តីរាងកាយលាក់ខ្លួន នៅផ្នែកខាងក្រៅ នៃប្រព័ន្ធព្រះអាទិត្យ។ តារាវិទូទ្រឹស្ដីភព៩ មានទំហំធំជាងផែនដី ដល់ទៅ៥ទៅ១៥ ដង ប៉ុន្តែវាពិតជាពិបាក ក្នុងការប្រមូលសម្ភារៈ បានឆ្ងាយពីព្រះអាទិត្យ ដើម្បីបង្កើតជាភពមួយ មានទំហំប៉ុនផែនដី។
សាស្រ្តាចារ្យវិទ្យាសាស្រ្តAvi Loeb សហអ្នកនិពន្ធនៃរបាយការណ៍ថ្មីមួយ ដែលបានចុះផ្សាយ នៅក្នុងទស្សនាវដ្តី Astrophysical Journal Letters បាននិយាយថា ផ្កាយគោល២ប្រសើរជាង ក្នុងការគូរនិងចាប់យកកម្ទេចកំម្ទី។
ការសិក្សាបាននិយាយថា ប្រសិនបើពពក Oort ត្រូវបានបង្កើតឡើង ដូចដែលបានអង្កេតវាមានន័យថា ព្រះអាទិត្យពិតជាមានដៃគូរស្រដៀងគ្នា ដែលត្រូវបានបាត់បង់ មុនពេលព្រះអាទិត្យ ចាកចេញពីចង្កោមកំណើត៕ ដោយ៖លី ភីលីព
