យោងតាមការបញ្ជាក់និងលើកឡើង របស់អតីតមិត្តរួមក្លឹប Barcelona លោក Deco នៅថ្ងៃនេះបានឲ្យដឹងថា ក្លឹបចាំបាច់ត្រូវតែបញ្ចុះបញ្ចូល ឲ្យកីឡាករ Lionel Messi មានអារម្មណ៍ថា នឹងមិនមានក្លឹបណា ដែលល្អជាង Barcelona ឡើយនៅពេលនេះ។
អនាគតរបស់កីឡាករ នៅតែជាប្រធានបទពាសពេញ បណ្តាញសង្គមនៅក្រោយពេល ដែល Barcelona បានរបូតទាំង La Liga និងជាពិសេសបរាជ័យធ្លាក់ចេញពី Champion League ដោយស្នាដៃរបស់ Bayern Munich ក្នុងលទ្ធផលដល់ទៅ ៨ទល់នឹង២ផងនោះ។
មានរបាយការណ៍ជាច្រើន បានព្យាយាមចុះផ្សាយថា កំពូលកីឡាករពានរង្វាន់ Ballon d’Or ចំនួន៦សម័យកាលរូបនេះ នឹងកំពុងតែសម្រេចចិត្តថា ត្រូវតែចាកចេញពីក្លឹប Barcelona ទាំងដែលខ្លួននៅសល់កុងត្រា ជាមួយគ្នាមួយឆ្នាំទៀតប៉ុណ្ណោះ៕
ប្រែសម្រួល៖ស៊ុនលី
