អតីតកីឡាករខ្សែបម្រើ របស់បិសាចក្រហម លោក Owen Hargreaves បានធ្វើការលើកឡើង នៅថ្ងៃនេះថា គ្រូបង្វឹកក្លឹបលោក Pep Guardiola គួរតែពិចារណា ដើម្បីទិញយកកីឡាករ ខ្សែការពារថ្មី ក្រោយពេលដែលអវត្តមានកីឡាករ ខ្សែការពារឆ្នើមដូចជា Vincent Kompany ទៅហើយនោះ។
គាត់បញ្ជាក់បន្ថែមទៀតថា ក្លឹបមេឃខៀវ Man City គួរតែពិចារណាទិញខ្សែការពារ មិនមែនជា ខ្សែប្រយុទ្ធ ដូចជា Lionel Messi ទៅតាមព័ត៌មានចចាមអារ៉ាមនោះឡើយ ហើយបើធ្វើដូចនេះបាននោះក្លឹប នឹងអាចមានឧិកាស ក្នុងការលើកពានរង្វាន់ Champion League ជាមិនខាន។
គួរឲ្យដឹងដែរថាមេឃខៀវ Man City បានធ្លាក់ចេញពីវគ្គ១ភាគ៤ នៃក្របខណ្ឌ Champion League ក្នុងលទ្ធផលដល់ទៅ៣ទល់នឹង១ទៅលើក្រុម Lyon ដែលជាក្រុមមានកម្លាំងប្រយុទ្ធខ្សោយ ហើយបានបញ្ចប់រដូវ កាលកន្លងទៅនេះត្រឹមលេខរៀង ទី៧ប៉ុណ្ណោះនៅលីគកំពូលបារាំង Ligue 1៕
ប្រែសម្រួល៖ស៊ុនលី
