តូក្យូ ៖ អាគារ Tokyo Skytree ត្រូវបានគេបំភ្លឺពនឺ្លចម្រុះ ដូចជាពណ៌ក្រហម បៃតង និងខៀវ សម្រាប់កត់សម្គាល់មួយឆ្នាំ ដើម្បីបើកការប្រកួតប៉ារ៉ាឡាំពិក នៅទីក្រុងតូក្យូ នៅប្រទេសជប៉ុន យោងតាមការចេញ ផ្សាយពីគេហទំព័រជប៉ុនធូដេ ។
ការប្រកួតកីឡាអូឡាំពិក និងប៉ារ៉ាឡាំពិក នឹងត្រូវធ្វើឡើងនៅឆ្នាំនេះ តែត្រូវបានពន្យារពេលដោយសារការ រីករាលដាល នៃមេរោគ COVID-19។ ការប្រកួតកីឡាអូឡាំពិក នឹងត្រូវបើកនៅថ្ងៃទី ២៣ ខែកក្កដាឆ្នាំ ២០២១ ជាមួយនឹងការបើកប៉ារ៉ាឡាំពិក នៅថ្ងៃទី ២៤ ខែសីហា ។
អ្នករៀបចំក្នុងស្រុកគណៈកម្មាធិការអូឡាំពិក អន្តរជាតិ និងគណៈកម្មាធិការប៉ារ៉ាឡាំពិក អន្តរជាតិ មិនបានផ្តល់ព័ត៌មាន លម្អិតអំពីថា តើព្រឹត្តិការណ៍ធំ ៗ នឹងត្រូវរៀបចំឡើងនៅឆ្នាំ ក្រោយសមម្រាប់មេរោគ COVID-19នៅតែរីករាលដាលយ៉ាងដូចម្តេច ។ កីឡាអូឡាំពិកពាក់ព័ន្ធ នឹងអត្តពលិកចំនួន ១១,០០០ នាក់ និងប៉ារ៉ាឡាំពិក៤,៤០០ នាក់។ ក្រុមអ្នករៀបចំបាននិយាយថា ពួកគេគ្រោងនឹងបង្រួម និងធ្វើឲ្យសាមញ្ញវិញ ហើយពួកគេនឹងមិនចាប់ផ្តើមចែករំលែកព័ត៌មាន លម្អិតទេរហូតដល់រដូវ ស្លឹកឈើជ្រុះ។
នៅក្នុងការស្ទង់មតិមួយចេញផ្សាយ ដោយទីភ្នាក់ងារសារព័ត៌មានក្យូដូ កាលពីសប្តាហ៍មុនភាគច្រើន នៃក្រុមហ៊ុនជប៉ុនក្នុងចំណោមក្រុមហ៊ុនចំនួន ១៣.០០០ ត្រូវបានស្ទង់មតិបានជំទាស់ នឹងការប្រារព្ធព្រឹត្តិការណ៍អូឡាំពិក និងប៉ារ៉ាឡាំពិកនៅឆ្នាំក្រោយ ។
ការស្ទង់មតិបានបង្ហាញថា ២៧,៨ភាគរយ ចង់ឲ្យការប្រកួតត្រូវបានលុបចោល ហើយ២៥,៨ភាគរយនិយាយថា ពួកគេគួរតែត្រូវបានពន្យារពេលម្តងទៀត ។ អ្នករៀបចំជប៉ុន និងគណៈកម្មាធិការអូឡាំពិក អន្តរជាតិបាននិយាយថា ប្រសិនបើព្រឹត្តិការណ៍កីឡាអូឡាំពិក មិនអាចត្រូវបានប្រារព្ធធ្វើនៅឆ្នាំ ក្រោយទេនោះពួកគេ នឹងត្រូវលុបចោល៕ ដោយ៖លី ភីលីព
