បរទេស ៖ ក្រសួងការបរទេស របស់ប្រទេសចិន បាននិយាយនៅថ្ងៃព្រហស្បតិ៍នេះថា វាមិនយុត្តិធម៌នោះទេ ដែលសហរដ្ឋអាមេរិក ដាក់ទណ្ឌកម្ម លើក្រុមហ៊ុនចិន ពាក់ព័ន្ធនឹងសំណង់ នៅដែនសមុទ្រចិនខាងត្បូង ព្រោះសកម្មភាពសាងសង់នោះ គឺត្រូវបានធ្វើឡើង នៅលើទឹកដីចិន ។
យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារ សារព័ត៌មាន Yahoo News នៅថ្ងៃទី២៧ ខែសីហា ឆ្នាំ២០២០ មន្ត្រីនាំពាក្យក្រសួង ការបរទេសចិន លោក Zhao Lijian បានធ្វើការថ្លែងប្រាប់យ៉ាងដូច្នេះ នៅក្នុងសន្និសីទកាសែតមួយ ដែលធ្វើឡើងនៅក្នុងទីក្រុងប៉េកាំង។
គួរបញ្ជាក់ថា នៅថ្ងៃពុធសប្ដាហ៍នេះ សហរដ្ឋអាមេរិក បានដាក់ក្រុមហ៊ុនចិន ចំនួន២៤ក្រុមហ៊ុន និងផ្តោតគោលដៅលើបុគ្គលមួយចំនួន ដែលខ្លួនគិតថា ពាក់ព័ន្ធការសាងសង់ និងសកម្មភាពយោធា នៅដែនសមុទ្រចិនខាងត្បូង ហើយនេះគឺជាទណ្ឌកមមបែបនេះ ដំបូងប្រឆាំងទីក្រុងប៉េកាំង ជុំវិញដែនទឹកមានជម្លោះនោះ ៕
ប្រែសម្រួល៖ប៉ាង កុង
