អ្នកចាត់ការក្លឹប Liverpool លោក Jurgen Klopp បាននិយាយកាលពីពេលថ្មីៗនេះថា គ្មានផ្លូវដែលក្លឹបលោកនាំយកខ្សែប្រយុទ្ធ Lionel Messi ពីក្លឹប Barcelona នោះទេ។
លោក Klopp បាននិយាយថា៖” សួរថាបើចាប់អារម្មណ៍ចង់បាន Messi អត់? ខ្ញុំប្រាកដជាឆ្លើយថាចង់។ គ្មាននរណាមួយថា មិនចង់បានគេមកនៅក្នុងក្រុមជាមួយនោះទេ។ “
អ្នកចាត់ការរូបនេះបានបន្តថា៖” តែចំពោះពួកយើងគ្មានផ្លូវទេ ព្រោះច្បាស់ណាស់យើងគ្មានលុយឲ្យថ្លៃខ្លួន និងប្រាក់ខែគេទេ តែយ៉ាងណាគេជាកីឡាករដ៏ខ្លាំងម្នាក់។ “
ថ្មីៗនេះមានសារព័ត៌មានជាច្រើនចុះផ្សាយថា Messi សុំចាកចេញពី Barca ហើយក្លឹបក៏យល់ព្រមដោយដាក់ក្នុងតម្លៃជាង ២៦០លានដុល្លារក្នុងការផ្ទេរចេញ៕
ប្រភព៖ Goal ប្រែសម្រួល៖ ហ៊ីម រស្មី
