សារព័ត៌មានបរទេស នៅថ្ងៃសុក្រនេះ បានសរសេរថា គ្រូបង្វឹកថ្មីរបស់ Barcelona លោក Ronald Koeman តែងតែបានបង្ហាញ ឲ្យគ្រប់គ្នាឃើញថា លោកចូលចិត្តប្រមូលយកកីឡាករឆ្នើម របស់ជម្រើសជាតិហូឡង់ មកចូលរួមក្លឹបថ្មីនេះ ជាមួយនឹងខ្លួន ។
គោលដៅកន្លងមក ដែលគេបានដឹងថា លោក Koeman ចង់បានមានដូចជា Memphis ជាដើមហើយនៅពេលនេះ លោកក៏បានបន្ថែមកីឡាករម្នាក់ របស់ Liverpool ផងដែរចូលក្នុងបញ្ជី របស់គាត់នោះ គឺកីឡាករ Wijnaldum ទោះបីជាមិនទាន់មានសំណើជាផ្លូវការ ណាមួយត្រូវបានផ្ញើទៅឲ្យ Liverpool ក្តី។
គួរឲ្យដឹងដែរថា កីឡាករហូឡង់ វ័យ២៩ឆ្នាំរូបនេះគឺ នៅមិនទាន់បានសម្រេចចិត្ត ក្នុងការបន្តកុងត្រាថ្មី នៅឡើយទេ ខណៈដែលកុងត្រាចាស់ នៅសល់តែ១ឆ្នាំបែបនេះ គេជឿជាក់ថា កីឡាករនឹង ចាប់ផ្តើមពិចារណា ជម្រើសនេះជាមិនខាន៕
ប្រែសម្រួល៖ស៊ុនលី
