វ៉ាស៊ីនតោន ៖ ប្រធានាធិបតីលោក ដូណាល់ ត្រាំបានអួតចំពោះ សមិទ្ធិផលរបស់លោកក្នុងអំឡុងពេល ៣ឆ្នាំកន្លះដែល លោកកាន់តំណែង ដោយទទួលយកកិត្តិស័ព្ទ ចំពោះការដកសហរដ្ឋអាមេរិក ចេញពីកិច្ចព្រមព្រៀងអន្តរជាតិ ដែលលោកចាត់ទុកថា អយុត្តិធម៌ ការដោះស្រាយកិច្ចព្រមព្រៀង ពាណិជ្ជកម្មមិនល្អ និងដោះស្រាយជាមួយប្រទេសចិន តាមរបៀបដែលប្រទេសនេះ មិនដែលមានពីមុនមក។
ប៉ុន្តែសូម្បីតែការបង្ហាញខ្លួន របស់លោកជាមួយនឹងបេក្ខជន ប្រធានាធិបតី នៃគណបក្សប្រជាធិបតេយ្យលោក Joe Biden បានលេចចេញ ជាសាធារណៈសម្រាប់ខែវិច្ឆិកា ក៏ដោយក៏គណបក្សសាធារណរដ្ឋ បច្ចុប្បន្នមិនមានព័ត៌មានលម្អិតអំពីរបៀប វារៈអាណត្តិទី ២ របស់លោក ស្តីពីគោលនយោបាយ ការបរទេសនោះទេ ក្រៅពីនេះលោកនឹង អនុវត្តបន្តជាមួយគោល នយោបាយអាមេរិក តែមួយរបស់លោក។
ក្នុងអំឡុងពេលថ្លែងសុន្ទរកថា ដើម្បីទទួលយកការរៀបចំជាថ្មី របស់គណបក្សរបស់លោកជាប្រធានាធិបតី នៅថ្ងៃព្រហស្បតិ៍លោក ត្រាំ បានគូសបញ្ជាក់គោលដៅរបស់លោក សម្រាប់រយៈពេលបួនឆ្នាំខាងមុខ រួមទាំងការងើបឡើងវិញ នៃសេដ្ឋកិច្ច ដែលរងការវាយប្រហារ ដោយវីរុសរាតត្បាត វិធានការដើម្បីដោះស្រាយជនអន្តោប្រវេសន៍ខុសច្បាប់ និងអ្វីដែលលោកហៅថាជំហាន ដើម្បីបញ្ចប់ការពឹងផ្អែកលើប្រទេសចិន ៕
ដោយ ឈូក បូរ៉ា
