នៅក្រោយពេលដែលអ្វីគ្រប់យ៉ាង ចប់រួចរាល់ក្នុងការផ្ទេរ ទៅលេងជាមួយនឹង Inter Milan ជាផ្លូវការហើយនោះ នៅថ្ងៃនេះ Alexis Sanchez បានសារភាពរឿងរ៉ាវមួយចំនួន ដែលគាត់បានលាក់ទុក ពេលនៅជាមួយនឹង Man United។
Sanchez កីឡាករខ្សែប្រយុទ្ធឈីលីរូបនេះ បាននិយាយត្រង់ៗថា គាត់បានមានអារម្មណ៍ថា ចង់ចាកចេញពី Old Trafford ចាប់តាំងតែពីថ្ងៃទី១ ដែលហ្វឹកហាត់ជាមួយនឹងក្លឹបនេះ។ Sanchez បានសម្រេចចិត្តផ្ទេរមក Old Traffod កាលពីឆ្នាំ២០១៨ពីក្លឹប Arsenal ប៉ុន្តែ២រដូវកាល ដែលគាត់មានវត្តមាននៅទីនេះ គឺមិនមានលទ្ធផល អ្វីល្អប្រសើរឡើយ។
លើសពីនេះ Sanchez បានបញ្ជាក់ទៀតថា គ្រានោះលោកថែមទាំងបានធ្វើការពិភាក្សា ជាមួយនឹងភ្នាក់ងារកីឡាករ របស់គាត់ថា តើគាត់អាចប្តូរចិត្តនិងមាន លទ្ធភាពក្នុងការផ្ទេរទៅ Arsenal បានដែរឬទេ ហើយក្នុងរយៈពេលយូរប៉ុណ្ណា?
ប្រែសម្រួល៖ស៊ុនលី
