សារព័ត៌មានប្រេស៊ីលនៅថ្ងៃសៅរ៍នេះបាន ឲ្យដឹង ថាក្លិប Wolverhampton Wanderers នៃក្របខ័ណ្ឌ English Premier League បានចូលរួមក្នុងការ ដេញថ្លៃដើម្បីចុះហត្ថលេខាលើកីឡាកររបស់ក្លឹប Gremio និងជាខ្សែប្រយុទ្ធឆ្នើមប្រេស៊ីលឈុត U-23 កីឡាករPepe។
ទីភ្នាក់ងារព័ត៌មាន Globo Esporte បាននិយាយថាភ្នាក់ងាររបស់ Pepe គឺលោក Adriano Spadoto បានធ្វើដំណើរទៅកាន់ទីក្រុងឡុងដ៍ក្នុងសប្តាហ៍នេះដើម្បីពិភាក្សាជាមួយតំណាងរបស់ក្លឹប Wolves ។ប្រភពដដែលបានបន្ថែមទៀតថាក្រុម Roma, Porto, Paris Saint-Germain, Ajax និង Bayern Munich ក៏បានបង្ហាញចំណាប់អារម្មណ៍លើកីឡាករវ័យ ២៣ ឆ្នាំរូបនេះផងដែរ។
គួរឲ្យដឹងដែរថាកីឡាករPepe បង្ហាញខ្លួនបាន ៩៩ ដង ឲ្យ Gremio និងរកបាន ២១ គ្រាប់ចាប់តាំងពីបង្ហាញខ្លួនអាជីពដំបូងនៅឆ្នាំ ២០១៧ ៕
ប្រែសម្រួល៖ស៊ុនលី
