បរទេស៖ នៅថ្ងៃសៅរ៍នេះ ប្រធានាធិបតីវេណេស៊ុយអេឡា លោក Nicolas Maduro បាននិយាយថា ចារកម្មអាមេរិកម្នាក់ ត្រូវបានចាប់ខ្លួនបាន នៅក្បែររោងចក្រចម្រាញ់ប្រេងចំនួនពីរកន្លែងស្ថិតនៅក្នុងរដ្ឋ Falon ភាគពាយ័ព្យប្រទេស។
នៅក្នុងសុន្ទរកថា តាមទូរទស្សន៍មួយលោក Maduro បាននិយាយថា បុរសម្នាក់នោះ ត្រូវបានគេរឹបអូស ព្រមជាមួយនឹងអាវុធ ព្រមទាំងសាច់ប្រាក់ជាច្រើនផង នៅជិតរោងចក្រចម្រាញ់ប្រេង ដែលមានឈ្មោះថា Amuay និង Cardon តាំងតែពីថ្ងៃព្រហស្បតិ៍។
លោកបាននិយាយទៀតថា បុរសនោះធ្លាប់ បម្រើការជាទាហានជើងទឹក នៅលើមូលដ្ឋាន CIA ស្ថិតនៅក្នុងប្រទេសអ៊ីរ៉ាក់ ប៉ុន្តែលោកមិនបានផ្តល់ព័ត៌មានលម្អិតបន្ថែម លើសទេហើយ រហូតមកដល់ពេលនេះសហរដ្ឋអាមេរិក មិនបានធ្វើអត្ថាធិប្បាយ ជាសាធារណៈណាមួយលើបញ្ហានេះទេ៕
ប្រែសម្រួល៖ស៊ុនលី
