ខ្សែបម្រើ Donny van de Beek បានធ្វើឲ្យអ្នកគាំទ្ររបស់ Manchester United លាន់មាន់សរសើរគ្រប់គ្នា បន្ទាប់ពីគេបានបង្ហាញទម្រង់លេងគួរឲ្យចាប់អារម្មណ៍អំឡុងពេលប្រកួតទីមួយឲ្យក្រុម។
កីឡាករសញ្ជាតិហុល្លង់បានពាក់អាវរបស់ United ជាលើកដំបូងកាលចុងសប្ដាហ៍កន្លងទៅ ក្នុងការប្រកួតកម្ដៅសាច់ដុំមិត្តភាពជាមួយក្រុម Aston Villa។ បិសាចក្រហមបានរៀបចំការប្រកួតមិត្តភាពរបស់ខ្លួន ដើម្បីត្រៀមលេងប្រកួតផ្លូវការទីមួយក្នុងលីគដែលនឹងត្រូវជួប Crystal Palace នៅសប្ដាហ៍ក្រោយ។
ក្នុងការប្រកួតនេះដែរកីឡាករចំណូលថ្មី Van de Beek ដែលផ្ទេរមក Man Utd ពីក្រុម Ajax ក្នុងតម្លៃ៣៥លានផោនបានបញ្ចេញថ្វីជើងលេងល្អមែនទែន។ អ្វីដែលធ្វើឲ្យអ្នកគាំទ្រសរសើរខ្លាំងនោះត្រង់ក្បាច់ Van de Beek ជាន់បាល់បង្វិលដាច់ខ្សែការពារ Aston Villa ដល់ទៅ២នាក់ (ក្នុងវីដេអូនាទីទី៣)។
ដោយ៖ sabay
