នៅចាំបានថា កីឡាករខ្សែការពារម្ចាស់ ពានរង្វាន់ពិភពលោក Varane គឺជាអ្នកដែលទទួលខុសត្រូវធំបំផុតចំពោះការបាត់បង់ ឱកាសទៅលេងវគ្គបន្ទាប់នៃពានរង្វាន់ Champion League កាលពីរដូវកាលមុន២០១៩-២០២០។
Real Madrid ដែលបានធ្លាក់ចេញពីពានរង្វាន់នេះ ត្រឹមវគ្គ១៦ក្រុមចុងក្រោយ ដោយសារតែកំហុសដ៏ធំចំនួន ២គ្រាប់របស់ Varane ហើយមកដល់ថ្ងៃនេះកីឡាករ ខ្សែការពារបារាំងរូបនេះបានអះអាងថាខ្លួនពិតជា កំពុងព្យាយាមគេចចេញពីសុបិន្ត ដ៏អាក្រក់មួយនេះប៉ុន្តែ វាពិតជាមិនអាចធ្វើបានដូចការរំពឹងទុកនោះឡើយ។
កីឡាករវ័យ២៧ឆ្នាំរូបនេះ បាននិយាយថា ច្បាស់ណាស់ដែលវានឹង រស់នៅក្នុងការចងចាំរបស់ខ្ញុំជាប់ជានិច្ចតទៅហើយវាគឺជាការប្រកួតដែល លំបាកបំផុតសម្រាប់ខ្ញុំ។ ភ្លាមៗនៅចប់ការប្រកួតខ្ញុំពិតជាចង់ចេញមកប្រកាស ទទួលខុសត្រូវភ្លាមចំពោះ កំហុសដ៏ធ្ងន់មួយនេះ៕
ប្រែសម្រួល៖ ស៊ុន លី
