នៅថ្ងៃនេះ មានការលើកឡើងមួយ ពីសំណាក់អតីតកីឡាករខ្សែប្រយុទ្ធហង្សក្រហម Liverpool ម្នាក់ ថាក្នុងពេលដែលទំរង់លេងរបស់ Firmino ក្នុងនាមជាខ្សែប្រយុទ្ធជួរមុន មិនសូវមានភាពលេចធ្លោនោះ ក្លឹបពេលនេះគួរតែចាប់ផ្តើមរៀបចំផែនការទិញ កីឡាករម្នាក់ទៀត មកធ្វើការក្នុងតំណែងនេះជាមួយគ្នា។
លោក John Aldridge ដែលជាអតីតកីឡាករ ខ្សែប្រយុទ្ធមួយរូប របស់ក្លឹបហង្សក្រហមផងដែរនោះ បានបញ្ជាក់បែបនេះហើយក៏បានបន្ថែមដែរថា កីឡាករ Timo Werner គួរតែត្រូវបានព្យាយាមទិញតាំងតែពីមុន ពេលគាត់សម្រេចចិត្ត ផ្ទេរទៅ Chelsea ម្ល៉េះ។
គួរឲ្យដឹងដែរថា ក្រោយគ្រងតំណែងជើងឯក អង់គ្លេស Premier League ជាលើកដំបូង កាលពីរដូវកាលមុនក្រោយខកខានអស់រយៈពេល ៣០ឆ្នាំមកហើយនោះ ក្លឹបហង្សក្រហម Liverpool ប៉ុន្មានសប្តាហ៍កន្លងទៅនេះ គឺនាំចូលបានតែកីឡាករខ្សែការពារ ម្នាក់ប៉ុណ្ណោះគឺ Kostas Tsimikas៕
ប្រែសម្រួល៖ស៊ុនលី
