គួរឲ្យដឹងដែរថាកីឡាករខ្សែបម្រើឆ្នើម Jack Grealish បានធ្វើការប្តេជ្ញាចិត្តចុងក្រោយហើយក្នុងការបន្តអនាគតរបស់គាត់ជាមួយនឹង Aston Villa ជាមួយនឹងកុងត្រាថ្មីរយៈពេលដល់ទៅ៥ឆ្នាំបន្ថែមទៀត។
អតីតកីឡាករខ្សែប្រយុទ្ធឆ្នើម Gabby Agbonlahor នៅថ្ងៃនេះបានធ្វើការលើកសរសើរយ៉ាងខ្លាំងចំពោះកីឡាកររូបនេះខណៈបច្ចុប្បន្នគាត់គឺមានឈ្មោះជាកីឡាករល្បីរបស់ក្លឹបរួចទៅហើយដោយក្នុងនោះ Agbonlahor បាននិយាយទៀតថាកីឡាកររូបនេះបានធ្វើឲ្យគាត់នឹកឃើញពីសមត្ថភាពរបស់វិរៈបុរស Barcelona គឺលោក Andres Iniesta កាលពីចាប់ផ្តើមអាជីពដំបូង។
រំលឹកដែរថាកីឡាករវ័យ២៥ឆ្នាំរូបនេះបានសម្រេចចិត្តបន្តកុងត្រាថ្មីជាមួយនឹង Aston Villa ដើម្បីលប់ចោលនូវពាក្យចចាមអារ៉ាមជាច្រើនខែអំពីការចាកចេញដែលក្នុងនោះមានដូចជាក្លឹបបិសាចក្រហម Man United ជាដើមផង៕
ប្រែសម្រួល៖ស៊ុនលី
