វ៉ាស៊ីនតោន ៖ ទួរទស្សន៍សិង្ហបុរី Channel News Asia បានចុះផ្សាយនៅថ្ងៃទី០៦ ខែតុលា ឆ្នាំ២០២០ថា លោក ដូណាល់ ត្រាំ ប្រធានាធិបតី សហរដ្ឋអាមេរិក កាលពីថ្ងៃចន្ទ បានចាកចេញពីមន្ទីរពេទ្យ ដែលជាកន្លែងពិនិត្យព្យាបាលជំងឺកូវីដ១៩ និងបានជិះលើឧទ្ធម្ភាគចក្រមួយគ្រឿង ឆ្ពោះទៅកាន់សេតវិមានវិញ ក្រោយពីបានឆ្លងជំងឺ និងឈានដល់ពេលធ្វើយុទ្ធនាការ ក្នុងរយៈពេល០៤សប្តាហ៍មុន ពេលបោះឆ្នោតសកលមកដល់ ។
លោក ត្រាំ បានសរសេរ នៅលើបណ្តាញសង្គម Twitter នៅមុនពេលដែលលោក បានចាកចេញពីមន្ទីរពេទ្យថា “នឹងវិលមកចូលរួមយុទ្ធនាការវិញក្នុងពេលដ៏ខ្លីខាងមុខ” ។ “ជាព័ត៌មានក្លែងក្លាយ ដែលបានបង្ហាញឲ្យដឹង នៅមណ្ឌលបោះឆ្នោតក្លែងក្លាយ” ។
គេឃើញលោក ត្រាំ ពាក់ម៉ាស់មុខ ដែលមានផ្ទៃពណ៌ស និងបានធ្វើសញ្ញាមេដៃឡើងលើ ហើយគាត់បានចុះពីលើមជ្ឈមណ្ឌលវេជ្ជសាស្ត្រ Walter Reed នៅខាងក្រៅរដ្ឋធានីវ៉ាស៊ីនតោន ដោយធ្វើការឆ្លើយតបទៅនឹងសំណួរ របស់អ្នកសារព័ត៌មាន ដែលបានចោទសួរថា មានមនុស្សប៉ុន្មាននាក់ដែលបានឆ្លងជំងឺ នៅឯសេតវិមាន ។ គាត់ឆ្លើយថា “អរគុណចដល់អ្នកទាំងអស់គ្នា ច្រើនណាស់” ៕
ប្រែសម្រួលដោយ៖ ម៉ៅ បុប្ផាមករា
