ចិន៖អ្នកជំនាញបាននិយាយថា ការប្រកួតប្រជែងលើ ទីផ្សារស្មាតហ្វូនលំដាប់ខ្ពស់របស់ប្រទេសចិនត្រូវបានគេគ្រោងនឹងធ្វើឲ្យកាន់តែ ខ្លាំងក្លាថែមទៀត ជាមួយនឹងការមកដល់នៃទូរស័ព្ទ iPhone 12 អាចដំណើរការបាន ៥G របស់ក្រុមហ៊ុន Apple Inc ដោយសារតែក្រុមហ៊ុនក្នុងស្រុកអាចនឹងបង្ហាញម៉ូដែល មានលក្ខណៈពិសេសបន្ថែមទៀត ដើម្បីទាក់ទាញអ្នកប្រើប្រាស់យោងតាមការចេញផ្សាយពីគេហទំព័រឆៃណាឌៀលី។
ទោះបីក្រុមហ៊ុនបច្ចេកវិទ្យាយក្សអាមេរិកមួយនេះបានចូល ទីផ្សារស្មាតហ្វូនអាចដំណើរការ 5G ក៏ដោយ ក៏ពួកគេបាននិយាយថា អ្នកប្រើប្រាស់ ជនជាតិចិនខ្លះត្រូវការបច្ចេកវិទ្យាខ្ពស់ធ្វើឲ្យប្រសើរឡើងសម្រាប់ iPhone ថ្មីមានល្បឿនលឿន និងផ្តល់បទពិសោធន៍រលូនដល់អ្នកចូលចិត្តលេងហ្គេម និងអ្នកមើលវីដេអូស្ទ្រីម។
លោកWang Xi ប្រធានស្រាវជ្រាវផ្នែកប្រឹក្សាទីផ្សារអន្តរជាតិIDCបានមានប្រសាសន៍ថា ស្មាតហ្វូន iPhone ស៊េរីថ្មីនឹងបង្កើនចំណែកនៃទូរស័ព្ទលំដាប់ខ្ពស់នៅក្នុងទីផ្សារស្មាតហ្វូនទាំងមូល។ អ្នកប្រើ Apple ដែលមានស្រាប់មួយចំនួនអាចទិញ iPhone 12 ស៊េរីថ្មីក្នងុតម្លៃចាប់ពី ៦៩៩ ដុល្លារដល់ ១,០៩៩ ដុល្លារ។ IDC ប៉ាន់ស្មានថា ស្មាតហ្វូនប្រព័ន្ធ 5G អាចមានអ្នកប្រើប្រហែល ២៤០ លានគ្រឿង នឹងត្រូវបានដឹកជញ្ជូនចេញនៅឆ្នាំនេះ ដោយទីផ្សារចិនមានចំនួនច្រើនជាង ១៦០ លានគ្រឿង ឬស្មើនឹង ៦៧,៧ ភាគរយនៃចំនួនសរុប។
លោកC.K. Lu ប្រធានស្រាវជ្រាវជាន់ខ្ពស់នៃក្រុមហ៊ុនពិគ្រោះយោបល់ទីផ្សារGartnerបាននិយាយថា iPhone ជាអ្នកយឺតយ៉ាវដល់បច្ចេកវិទ្យា 5G នៅតែមិនទាន់កញ្ចប់គ្រប់គ្រាន់ដើម្បីទាក់ទាញអ្នកប្រើប្រាស់ Android ។
លោក Lu បានបន្តថា ការភ្ជាប់ប្រព័ន្ធ 5G បានក្លាយជាការកំណត់រចនាសម្ព័ន្ធស្តង់ដារសម្រាប់ក្រុមហ៊ុនផលិតទូរស័ព្ទចល័តចិនជាច្រើន ចំពោះការបើកដំណើរការរបស់ Apple បន្ទាប់ពីក្រុមហ៊ុនដូចជា Huawei, Samsung, Oppo, Vivo និង Xiaomi បានដាក់លក់ទូរស័ព្ទរបស់ពួកគេ៕
ដោយ៖លី ភីលីព
