បរទេស ៖ ការស្ថាបនាព្រែកជីក ដោយប្រើប្រាស់ទន្លេ San Juan ជាផ្លូវចូលទៅកាន់បឹង ការ៉ាហ្គា ត្រូវបានស្នើឡើងដំបូង នៅយុគសម័យអាណានិគម ។ សហរដ្ឋអាមេរិក បានបោះបង់ចោលផែនការសាងសង់ផ្លូវ ទឹកមួយនៅប្រទេស នីការ៉ាហ្គា នៅដើមសតវត្សរ៍ទី ២០ បន្ទាប់ពីប្រទេសនេះបានទិញ ផលប្រយោជន៍មួយចំនួន របស់បារាំងនៅ ព្រែកជីក ប៉ាណាម៉ា នៅខែមិថុនាឆ្នាំ ២០១៣ រដ្ឋសភាជាតិប្រទេស នីការ៉ាហ្គា បានអនុម័តលើ សេចក្តីព្រាងច្បាប់ ដើម្បីផ្តល់សម្បទាន ៥០ ឆ្នាំ ដើម្បីផ្តល់ហិរញ្ញប្បទាន និងគ្រប់គ្រងគម្រោង ទៅការវិនិយោគ អភិវឌ្ឍន៍ព្រែកជីក HK Nicaragua Canal Development Investment ដឹកនាំដោយលោក Wang Jing អ្នកជំនួញចិន ។ សម្បទានអាចត្រូវបានពន្យារពេល ៥០ ឆ្នាំទៀតនៅពេល ដែលផ្លូវទឹកត្រូវបានដំណើរការ ។ នេះបើតាមវែបសាយ Wikipedia។
នៅក្នុងឆ្នាំ ២០១៥ របាយការណ៍ប្រព័ន្ធផ្សព្វផ្សាយ បានលើកឡើងថា គម្រោងនេះនឹងត្រូវពន្យារពេល និងអាចលុបចោលបានដោយសារ តែទ្រព្យសម្បត្តិផ្ទាល់ខ្លួនរបស់លោក Wang បានធ្លាក់ចុះយ៉ាងខ្លាំងដោយសារការធ្លាក់ផ្សារ ភាគហ៊ុនចិនឆ្នាំ ២០១៥-១៦ ។ “ការងារសំខាន់ៗ” ដូចជាការបូមខ្សាច់ ត្រូវបានធ្វើឡើងបន្ទាប់ពីការបញ្ចប់ នៃការសាងសង់ផែសមុទ្រ នៅមហាសមុទ្រប៉ាស៊ីហ្វិក ដែលការសាងសង់គ្រោងនឹងចាប់ផ្តើមនៅចុងឆ្នាំ ២០១៦ ។ រដ្ឋាភិបាលនីការ៉ាហ្គា មិនបានបង្ហាញព័ត៌មាន ដែលអាចជឿទុកចិត្តបានថា តើគម្រោងនេះអាចត្រូវបានផ្តល់ហិរញ្ញប្បទាន ឬអត់នោះទេ ដូច្នេះវាធ្វើឱ្យមានការសង្ស័យលើថា តើវានឹងត្រូវបានបញ្ចប់ឬអត់។ HKND Group បានបញ្ជាក់ថា ហិរញ្ញប្បទាននឹងបានមកពីការលក់បំណុលនិងការលក់ភាគហ៊ុននិងការផ្តល់ជូនជាសាធារណៈលើកដំបូង ។
នៅខែឧសភា ឆ្នាំ ២០១៧ គ្មានសកម្មភាពជាក់ស្តែង ណាមួយ ត្រូវបានគេរាយការណ៍ថា បានសាងសង់ព្រែកជីកនេះទេ ហើយការសង្ស័យបន្ថែមទៀត ត្រូវបានបង្ហាញអំពីហិរញ្ញប្បទានរបស់ខ្លួន ។ នៅខែកុម្ភៈឆ្នាំ ២០១៨ ក្រុមអ្នកវិភាគបានចាត់ទុកគម្រោងនេះថា ត្រូវបានគេបោះបង់ចោល ទោះបីយ៉ាងណាប្រធានគម្រោងបានទទូចថា ការងារកំពុងតែដំណើរការ ហើយ HKND រក្សាសិទ្ធិស្របច្បាប់ចំពោះសម្បទានសម្រាប់ប្រឡាយនេះផងដែរ។ ទោះបីជា HKND បាត់ខ្លួនក៏ដោយ ក៏រដ្ឋាភិបាលនីការ៉ាហ្គាបង្ហាញថា ខ្លួននឹងបន្តធ្វើអាជីវកម្មដីគោក ៩០៨ គីឡូម៉ែត្រក្រឡានៅគ្រប់ទីកន្លែងក្នុងប្រទេស នីការ៉ាហ្គា ក្រោមច្បាប់ធ្វើអាជីវកម្មលើដី Canal Law 840 ៕ប្រែសម្រួលៈ ណៃ តុលា
