កាណាដា ៖ មេរោគរាតត្បាត បានបង្ខំឲ្យអាជីវកម្មទូទាំងពិភពលោក ផ្តោតលើប្រព័ន្ធអ៊ីនធើណេត ដើម្បីរស់រានមានជីវិត ហើយមនុស្សជាច្រើនបានងាក ទៅរកក្រុមហ៊ុន Shopify ជាក្រុមហ៊ុនកាណាដា ដែលបានក្លាយជាជម្រើស ដ៏ជឿនលឿនមួយ ចំពោះក្រុមហ៊ុន Amazon យោងតាមការចេញផ្សាយ ពីគេហទំព័រជប៉ុនធូដេ ។
វាត្រូវបានបង្កើតឡើងកាលពី ១៥ ឆ្នាំមុននៅOttawa ហើយShopify ធ្វើឲ្យអាជីវកម្មបង្កើតគេហទំព័រពាណិជ្ជកម្មអេឡិចត្រូនិចដោយគ្រាន់ចុចតែ២ឬ៣ដងប៉ុណ្ណោះ។ រីកលូតលាស់រួចទៅហើយជា មួយនឹងហាងអេឡិចត្រូនិចច្រើន ជាងមួយលាននៅចុងឆ្នាំ២០១៩ មូលដ្ឋានអ្នកប្រើប្រាស់របស់វាបានផ្ទុះឡើង ។
លោក Harley Finkelstein ប្រធានក្រុមហ៊ុន Shopify បាននិយាយនៅក្នុងបទសម្ភាសន៍ថា ពិភពលោកលក់រាយដែលនឹងមាននៅក្នុងឆ្នាំ ២០៣០ ពិតជាត្រូវបានទាញចូលក្នុងឆ្នាំ ២០២០ ។ វាមានអារម្មណ៍ដូចជា COVID បានពន្លឿនការធ្វើពាណិជ្ជកម្មតាមអ៊ីនធើណេត ជាអចិន្ត្រៃយ៍។
ដោយមានការបិទទ្វារហាងលក់ដុំ និងលក់រាយ ការធ្វើពាណិជ្ជកម្មតាមអ៊ីនធើណេត មានការរីកចម្រើននៅឆ្នាំនេះ ចំណែកអតិថិជនមានការរីកចម្រើន ក្នុងការទិញតាមអ៊ីនធើណេត ហើយក្រុមហ៊ុនយក្សឧស្សាហកម្ម ដែលដឹកនាំដោយក្រុមហ៊ុន Amazon បានឃើញការលក់ច្រើន៕ ដោយ៖លី ភីលីព
