សេអ៊ូល៖ ប្រទេសកូរ៉េខាងត្បូង និងប្រទេសរុស្ស៊ី បានប្តេជ្ញានៅថ្ងៃពុធនេះ ដើម្បីបង្កើនចំណងមិត្តភាពរបស់ពួកគេ នៅក្នុងឧស្សាហកម្មអ៊ីដ្រូសែន នៅពេលដែលប្រទេសទាំងពីរ ព្យាយាមប្រើប្រាស់ធនធាន ដែលមិនប៉ះពាល់ដល់បរិស្ថាន និងផ្តាច់ចេញពីឥន្ធនៈហ្វូស៊ីលបុរាណ។
យោងតាមក្រសួងពាណិជ្ជកម្ម ឧស្សាហកម្ម និងថាមពល បានឱ្យដឹងថា ការមូលមតិគ្នានេះ ត្រូវបានធ្វើឡើង នៅក្នុងខ្សែអាត់វីដេអូឃ្លីបមួយ រវាងអនុរដ្ឋមន្រ្តីពាណិជ្ជកម្មកូរ៉េខាងត្បូង លោក Park Ki-young និងសមភាគីរុស្ស៊ី គឺលោក Aleksandr Morozov ។
លោក Park បានឲ្យដឹង នៅក្នុងសេចក្តីថ្លែងការណ៍មួយថា “មានសក្តានុពលខ្លាំង សម្រាប់កិច្ចសហប្រតិបត្តិការរវាង កូរ៉េខាងត្បូង និងរុស្ស៊ីដែលអាចផលិតអ៊ីដ្រូសែន សេដ្ឋកិច្ចដោយផ្អែក លើធនធានធម្មជាតិ ដ៏សម្បូរបែបរបស់រុស្ស៊ី”៕ ដោយ៖ ឈូក បូរ៉ា
