វ៉ាស៊ីនតោន៖ តាមរយៈមន្ទីរពិសោធន៍ របស់លោកនៅទីក្រុង Toulouse ប្រទេសបារាំង លោក Benjamin Sanderson យកគំរូតាមហានិភ័យយ៉ាងធ្ងន់ធ្ងរ ដល់មនុស្សពីការផ្លាស់ប្តូរ អាកាសធាតុ នេះជាប្រភេទការងារ ដែលលោកធ្លាប់បាន ធ្វើនៅសហរដ្ឋអាមេរិក ហើយសង្ឃឹមថា នឹងមានពេលឆាប់ៗនេះ នេះបើយោងតាមការចេញផ្សាយ ពីគេហទំព័រជប៉ុនធូដេ។
លោក Sanderson ស្ថិតក្នុងចំណោម អ្នកវិទ្យាសាស្ត្រអាកាសធាតុរាប់សិបនាក់ ដែលមានមូលដ្ឋាន នៅសហរដ្ឋអាមេរិក បានផ្លាស់ប្តូរការស្រាវជ្រាវរបស់ពួកគេ ទៅប្រទេសបារាំង ឬស្វែងរកការជ្រកកោន នៅក្នុងបណ្ឌិត្យសភា ឬនៅរដ្ឋទំនោរឆ្វេង ដូចជារដ្ឋកាលីហ្វ័រញ៉ា បន្ទាប់ពីគណបក្សសាធារណរដ្ឋ លោក Donald Trump បានជាប់ឆ្នោតក្នុងឆ្នាំ ២០១៦ ដើម្បីផ្តល់ហិរញ្ញប្បទាន និងជំរុញការងាររបស់ពួកគេ។
ជាមួយនឹងការបោះឆ្នោតប្រធានាធិបតី កាន់តែខិតជិតមកដល់ហើយ លោក Joe Biden អ្នកប្រជាធិបតេយ្យ បានឈានមុខគេក្នុងការស្ទង់មតិ និងសន្យាផ្តល់អាទិភាព ដល់តួនាទីវិទ្យាសាស្ត្រ ក្នុងការធ្វើគោលនយោបាយ ហើយអ្នកស្រាវជ្រាវខ្លះសង្ឃឹមថា នឹងវិលត្រឡប់ទៅរកថ្ងៃ ដែលសហរដ្ឋអាមេរិក ត្រូវបានគេចាត់ទុកថា ជាកន្លែងល្អបំផុតនៅលើផែនដី ដើម្បីធ្វើការរបស់ពួកគេ។
លោក Sanderson បាននិយាយថា វិទ្យាសាស្ត្រអាកាសធាតុនៅអឺរ៉ុប មិនត្រូវបានចាត់ទុកជា ប្រធានបទនយោបាយនោះទេ ។ សហរដ្ឋអាមេរិកតួនាទី នៃការស្រាវជ្រាវវិទ្យាសាស្ត្រ នៅក្នុងគោលនយោបាយសាធារណៈ គឺច្បាស់លើសន្លឹកឆ្នោត ក្នុងការបោះឆ្នោតប្រធានាធិបតី៕ ដោយ៖លី ភីលីព
