បរទេស៖ សេចក្តីថ្លែងការណ៍មួយនៅថ្ងៃសុក្រសប្ដាហ៍នេះ តាមសេចក្តីរាយការណ៍ បាននិយាយប្រាប់ថា កងកម្លាំងម៉ារីនសហរដ្ឋអាមេរិក នៅមូលដ្ឋានយោធា Camp Kinser កោះអូគីណាវ៉ា ប្រទេសជប៉ុន កំពុងតែធ្វើការត្រួតពិនិត្យតាមបែបបច្ចេកទេស ចំពោះឧបករណ៍កងវរសេនាតូច ផែ្នកជួសជុលលេខ៣។
ក្រុមដឹកជញ្ជូនកងកម្លាំងម៉ារីនលេខ៣ របស់កងវរសេនាតូច ដែលផ្នែកមួយរបស់ទីបញ្ជាការផ្នែកថែទាំ ជួសជុលនាវាចម្បាំងកងកម្លាំងម៉ារីន បានចាកចេញពីមូលដ្ឋានរបស់ខ្លួន ក្នុងរដ្ឋហ្សកហ្ស៊ី កាលពីខែតុលា ហើយធ្វើដំណើរមកកោះអូគីណាវ៉ា ដើម្បីធ្វើតេស្តក្រិតតាមខ្នាត ក្នុងដំណើរគាំទ្រដល់កងកម្លាំងម៉ារីន។
នាពេលបច្ចុប្បន្ននេះ វាគឺជាអង្គភាពចម្បាំងដែលបញ្ជូនទៅមុខ ដែលផ្តល់ឲ្យសេវាកម្មគាំទ្រសម្រាប់កងកម្លាំងបេសនកម្មម៉ារីនលេខ៣ ដែលគេស្គាល់ថា III MEF និងដែលកំពុងតែធ្វើប្រតិបត្តិការ នៅក្នុងដែនទទួលខុសត្រូវក្នុងតំបន់ឥណ្ឌូ-ប៉ាស៊ីហ្វិក៕
ប្រែសម្រួល៖ប៉ាង កុង
