អាល្លឺម៉ង់៖ គ្រោងឆ្អឹង ដែលមានអាយុកាល ៥០០០ ឆ្នាំ របស់ស្ត្រីសម័យបុរេប្រវត្តិមួយ ត្រូវបានរកឃើញនៅប្រទេសអាល្លឺម៉ង់ បង្ហាញពីរបបអាហារគ្រាប់ធញ្ញជាតិ ធ្វើឲ្យភាពស្រអាប់របស់នាង នេះបើយោងតាមការចេញផ្សាយ ពីគេហទំព័រឌៀលីម៉ែល។
ស្ត្រីសម័យ Neolithic ត្រូវបានគេជីករកឃើញ ក្នុងអំឡុងពេលជីករ សម្រាប់តំឡើងទួរប៊ីនខ្យល់ថ្មី នៅតំបន់ឥសាននៃ Uckermark ។ វាដាក់ឈ្មោះថា ‘Lady of Bietikow’ បន្ទាប់ពីទីក្រុង ដែលនាងត្រូវបានរកឃើញនៅពេលនេះ អ្នកជំនាញកំពុងព្យាយាមកំណត់ព័ត៌មានលម្អិត អំពីជីវិតរបស់នាងរួមទាំងបុព្វហេតុ នៃការស្លាប់របស់នាងផងដែរ។
អ្នកជំនាញប៉ាន់ស្មានថា ធ្មេញរបស់នាងអាចផ្តល់ជាតម្រុយ នៅពេលធ្មេញនេះ ស្ថិតនៅជាប់ខ្លាំង អាចជាសញ្ញា នៃការឆ្លងមេរោគធ្មេញធ្ងន់ធ្ងរ។ យោងតាមប្រព័ន្ធផ្សព្វផ្សាយ ក្នុងស្រុកបានឲ្យដឹងថា គ្រោងឆ្អឹងនេះ ត្រូវបានគេបញ្ចុះ នៅក្នុងជម្រកមួយកន្លែង ជាកន្លែងបញ្ចុះសព ដែលគេស្គាល់ច្រើនជាងគេបំផុត។
ការស៊ើបអង្កេតបានបង្ហាញថា នាងមានអាយុចន្លោះពី ៣០ ទៅ ៤៥ ឆ្នាំហើយបានស្លាប់ជាង ៥០០០ ឆ្នាំមកហើយ។ របស់របរនៅសេសសល់របស់ Lady Bietikow គឺជាឆ្អឹង និងបំណែកសម្លៀកបំពាក់មួយចំនួន ប៉ុន្តែក្រុមអ្នកស្រាវជ្រាវ នៅតែអាចរៀបចំបញ្ចូលគ្នា នូវព័ត៌មានលម្អិតខ្លះៗ អំពីជីវិតរបស់នាង។
បើយោងតាមអ្នកជំនាញវិទូរូបវិទ្យា Bettina Jungklaus ថា ក្នុងកំឡុងពេល ដែលនាងនៅរស់ក្នុងអំឡុងពេល នៃយុគថ្មរំលីង មនុស្សទើបតែចាប់ផ្តើមញ៉ាំធញ្ញជាតិ ព្រោះវាអាចត្រូវបានរក្សាទុក យ៉ាងងាយស្រួលជាងសាច់ ហើយក៏អាចត្រូវបាន ប្រើជាមធ្យោបាយ។ ទោះយ៉ាងណាក៏ដោយនេះ នាំឲ្យមានការចុះខ្សោយ ដល់សុខភាពទូទៅរបស់មនុស្ស៕ ដោយ៖លី ភីលីព
