យោងតាមការចេញផ្សាយរបស់ MEN នៅថ្ងៃពុធនេះ បានសរសេរថាក្លឹបបិសាចក្រហម Man UTD បានក្លាយទៅជា ទីកន្លែងបន្ទាប់ដ៏ល្អសាកសមបំផុត សម្រាប់ខ្សែការពារឆ្នើមរបស់ Real Madrid កីឡាករ Raphael Varrane។
ប្រភពដដែលបានសរសេរទៀតថា មកដល់ពេលនេះក្លឹបបិសាចក្រហម Man UTD មានទំនាក់ទំនងយ៉ាងជិតស្និទ្ធជាមួយនឹង ភ្នាក់ងារបាល់ទាត់ដែលមាន ឈ្មោះថា Base Soccer Agency ដែលបច្ចុប្បន្នគឺជាតំណាងភ្នាក់ងារឲ្យកីឡាករ Varane រូបនេះ។
Varane វ័យ២៧ឆ្នាំនៅសល់កុងត្រាតែ ១៨ខែទៀតប៉ុណ្ណោះជាមួយនឹង Real Madrid ហើយគឺជាកីឡាករស្ថិត នៅក្នុងវ័យដ៏សាកសម បំផុតសម្រាប់ Man UTD និងគឺជាគោលដៅដ៏ល្អឥតខ្ជោះដែលនឹងជួយចាប់ដៃជាមួយ Harry Maguire កាន់តែរឹងម៉ាំឡើងវិញ៕
ប្រែសម្រួល៖ស៊ុនលី
