ខណៈដែលប្រដាប់លេងហ្គេម PlayStation 5 ចេញលក់នៅអឺរ៉ុប នៅថ្ងៃទី១៩ ខែវិច្ឆិកា ខ្សែប្រយុទ្ធស៊ុយអែត Zlatan Ibrahimovic ត្រូវបានគេប្រទះឃើញទិញឧបករណ៍នេះ ធ្វើជាកាដូគ្រិស្តម៉ាសឲ្យមិត្តរួមក្រុមរបស់ខ្លួននៅក្លឹប AC Milan។
គេមិនដឹងថា Zlatan ទិញចែកនរណាខ្លះទេ ប៉ុន្តែគេគ្រាន់តែដឹងថា យ៉ាងតិចមិត្តរួមក្រុមចំនួន ៣រូបនៅ AC Milan មានសំណាងទទួល បានកាដូ PS5 ពីលោកព្រះ Zlatan តាមរយៈការបង្ហោះសារអរគុណ នៅលើ Story នៃបណ្ដាញ Instagram របស់គេ។
កីឡាករទាំង ៣នោះគឺ ខ្សែការពារអាហ្សង់ទីន Mateo Musacchio ខ្សែបម្រើអេស្ប៉ាញ Samu Castillejo និងខ្សែប្រយុទ្ធព័រទុយហ្គាល់ Rafael Leao។
សូមជម្រាបផងដែរថា PS5 មានតម្លៃចន្លោះ ៣៩៩ដុល្លារ ទៅ ៤៩៩ដុល្លារ។ គេមិនច្បាស់ថា Zlatan ទិញបែបនេះ មានហេតុផលពាណិជ្ជកម្ម នៅពីក្រោយទេ តែបើតាមការបង្ហោះរបស់ Zlatan នៅបណ្ដាញ Instagram រាល់ដង គេសង្កេតឃើញថា Zlatan ជួយផ្សាយពាណិជ្ជកម្មឲ្យទូរទស្សន៍ Samsung៕ ប្រភព៖ sabay
