តូក្យូ ៖ អ្នកនាំពាក្យកំពូល របស់រដ្ឋាភិបាល បានឲ្យដឹងថា ប្រទេសជប៉ុន នឹងមិនទទួលយកសំណើរបស់ចិន ដើម្បីបន្ធូរបន្ថយភាពតានតឹងទ្វេភាគី លើអធិបតេយ្យភាព នៃប្រជុំកោះសេនកាគុ នោះទេដោយច្រានចោល វាជាផ្នែកមួយ នៃការប៉ុនប៉ង ជំរុញការទាមទារ របស់ទីក្រុងប៉េកាំង ចំពោះទឹកដីតូក្យូ។
រដ្ឋមន្ត្រីការបរទេសចិនលោក វ៉ាង យី បានស្នើឱ្យទូកនេសាទពីប្រទេសទាំងពីរ រក្សាទុកនៅឆ្ងាយពីកោះ ដែលគ្មានមនុស្សរស់ នៅក្នុងសមុទ្រចិនខាងកើត ហើយមានតែនាវារដ្ឋាភិបាលប៉ុណ្ណោះ ដែលត្រូវបានអនុញ្ញាតឱ្យបើកនៅក្បែរកោះ ដើម្បីធ្វើឱ្យប្រាកដថា ទូកដែលសង្ស័យមិនចូល ក្នុងដែនទឹកដែលងាយរងគ្រោះ។
លោកវ៉ាង យី បានឲ្យដឹងបន្ទាប់ពីជម្លោះជាមួយនាយករដ្ឋមន្រ្តីជប៉ុន លោក Yoshihide Suga កាលពីថ្ងៃពុធនៅទីក្រុងតូក្យូថា ជម្លោះជុំវិញបញ្ហាកោះសេនកាគុ ដែលគ្រប់គ្រងដោយជប៉ុន និងទាមទារដោយចិន និងតៃវ៉ាន់ មិនគួររារាំងកិច្ចសហប្រតិបត្តិការ រវាងប្រទេសមហាអំណាចសេដ្ឋកិច្ចទី២ និងទី៣ នៅលើពិភពលោកឡើយ។
ប្រធានលេខាធិការខុទ្ទកាល័យលោក Katsunobu Kato បានប្រាប់សន្និសីទកាសែតមួយ កាលពីថ្ងៃព្រហស្បតិ៍ថា សំណើនេះមិនអាចទទួលយកបានទេ ដោយបន្ថែមកោះទាំងនោះ គឺ “ដោយគ្មានការសង្ស័យជាទឹកដីជប៉ុន ពីទស្សនៈប្រវត្តិសាស្ត្រ និងក្រោមច្បាប់អន្តរជាតិ” ៕
ដោយ ឈូក បូរ៉ា
