បរទេស៖ទូរទស្សន៍ BBC ចេញផ្សាយនៅថ្ងៃព្រហស្បតិ៍នេះបានឲ្យដឹងថា អនាគតប្រធានាធិបតី អាមេរិកថ្មីលោក Joe Biden បានធ្វើការអំពាវនាវ ទៅកាន់ពលរដ្ឋរបស់ខ្លួនក្នុងការបញ្ចប់ទៅនូវ រដូវកាលដែលគួរឲ្យភ័យខ្លាច សម្រាប់រដូវរងារខងមុខ ខណៈដែលប្រទេសទាំងមូល កំពុងតែប្រឈមមុខទៅ នឹងបញ្ហាកូវីដ១៩ដ៏ធ្ងន់ធ្ងរដូចពេលបច្ចុប្បន្ននេះ។
ថ្លែងនៅក្នុងសេចក្តីថ្លែងការណ៍មួយ អំពីវិស្សមកាល Thanksgiving លោកបានបញ្ជាក់ថា ពលរដ្ឋអាមេរិកទាំងអស់ពេលនេះកំពុង ស្ថិតនៅក្នុងសង្គ្រាមប្រឆាំងទៅនឹងវិរុសកូវដ១៩ គឺមិនមែនជាពេល ដែលត្រូវធ្វើការសង្គ្រាមប្រឆងគ្នាឯង នោះឡើយ។
លោក Biden ថែមទាំងអំពាវនាវទៀតថា ពលរដ្ឋអាមេរិកគួរតែផ្អាកជាបណ្តោះអាសន្ននូវ ការសម្រាកលំហែដែលធ្វើឡើងជាប្រចាំឆ្នាំមួយ សិនដោយសារតែករណីឆ្លងកូវីដ១៩គឺមានចំនួនកើនឡើងកាន់តែខ្លាំង។
ដោយឡែកខណៈពេលជាមួយគ្នានេះ ប្រធានាធិបតីអាមេរិកលោក Donald Trump បែរជាបានធ្វើការអំពាវនាវឲ្យអ្នកគាំទ្ររបស់ខ្លួនក្នុងការព្យាយាម តតាំងទៅនឹងលទ្ធផលនៃ
ការបោះឆ្នោតថ្ងៃទី៣ ខែវិច្ឆិកា កន្លងទៅទៅវិញ៕ ប្រែសម្រួល៖ស៊ុនលី
