កីឡាករខ្សែការពាររបស់ Bayern Munich ដែលនៅតែមិនទាន់មាន ការសម្រេចចិត្តចុងក្រោយ ពាក់ព័ន្ធទៅនឹង អនាគតរបស់ខ្លួន ជាមួយក្លឹបថា ត្រូវនៅបន្ត ឬត្រូវចាកចេញនោះ មកដល់ពេលនេះ នៅសល់កុងត្រា ត្រឹមរដូវក្តៅប៉ុណ្ណោះ។
កីឡាករ David Alaba ត្រូវបានវេបសាយ the Bild ចេញផ្សាយថាពេលនេះ កំពុងចាប់ផ្តើមចរចា ជាមួយនឹងក្លឹបតោខៀវ Chelsea របស់អង់គ្លេស ហើយដើម្បីអាច ពិនិត្យមើលលទ្ធភាព ក្នុងការចាកចេញ ពីអាល្លឺម៉ង់ ខណៈដែលកីឡាករ ហាក់ដូចជា មិនដែលសប្បាយចិត្ត ទៅនឹងការចរចាបន្តកុងត្រាថ្មី ជាមួយនឹង Bayern Munich កាលពីគ្រាកន្លង។
គួរឲ្យដឹងដែរថាកុងត្រារបស់ Alaba នឹងផុតត្រឹមរដូវក្តៅ ក្រោយដែលមានន័យថា កីឡាករផ្ទាល់ អាចមានសិទ្ធិគ្រប់គ្រាន់ ក្នុងការចរចាជាមួយ នឹងក្លឹបថ្មីក្រៅពីអាល្លឺម៉ង់ ហើយនឹងអាចចាកចេញ ដោយមិនមានតម្លៃខ្លួនឡើយ ចាប់ពីថ្ងៃ១ខែមករាទៅ៕ ប្រែសម្រួល៖ស៊ុនលី
