ក្រុម FC Barcelona នឹងបើកកីឡដ្ឋាន របស់ខ្លួនស្វាគមន៍ក្រុមភ្ញៀវ Juventus សម្រាប់ការប្រកួតចុងក្រោយ វគ្គសន្សំពិន្ទុ តាមពូលពានរង្វាន់ UEFA Champions League ។
នៅរាត្រីនេះដែរ អ្នកគាំទ្រជាច្រើន នឹងបានឃើញការប្រកួតមួយ ដែលមាន Lionel Messi ចូលលេងឱ្យក្រុមអ្នកមានបុណ្យតតាំង ជាមួយក្រុមភ្ញៀវ Juventus ដែលមានវត្តមានកីឡាករ Cristiano Ronaldo ជាក់ជាមិនខាន។ ខ្សែប្រយុទ្ធទាំងពីរនេះ ខកខានលេងទល់មុខគ្នា តាំងពីឆ្នាំ២០១៨មក ពោលគឺក្រោយពី Ronaldo សម្រេចចិត្តចាកចេញពីក្រុម Real Madrid ទៅម្ល៉េះ។
យ៉ាងណាមិញ ក្រុម Barcelona និង Juventus សុទ្ធតែបានកក់កៅអីឡើង ទៅវគ្គបន្ដរួចជាស្រេចទៅហើយ ។ តែសម្រាប់ប្រកួតនេះវិញ ជាការសងសឹក របស់ក្រុមសេះបង្កង់ដែលបានបរាជ័យក្រោមថ្វីជើង ក្រុមអ្នកមានបុណ្យ កាលពីជើងទី១កន្លងទៅ ៕ sabay
