ក្រុមបិសាចក្រហម Manchester United បានធ្លាក់ចេញពីពានរង្វាន់ UEFA Champions League ហើយ ប៉ុន្តែនៅសល់ឱកាសបានលេងពានរង្វាន់ Europa League ដែរ ក្នុងនាមក្រុមលេខ៣ក្នុងពូល។
ការមកលេងក្នុងពានកម្រិតទី២នេះ ត្រូវបានលោក Jose Mourinho អ្នកចាត់ការក្រុម Spurs មើលឃើញថា Man Utd នេះនឹងបង្កព្យុះភ្លៀងសម្រាប់ការប្រកួតមិនខាន។ ពួកគេជាក្រុមល្អមួយ ហើយនារដូវកាលនេះបិសាចក្រហម នឹងក្លាយជាក្រុមអាចឈ្នះពានរង្វាន់ Europa League បានថែមទៀតផង ព្រោះសមត្ថភាពរបស់ពួកគេពិតជាអស្ចារ្យ។
អ្នកចាត់ការក្រុម Spurs ខាងលើបានបន្ថែមបែបនេះទៀតថា៖ “ក្រុមដែលធ្លាក់មកពី Champions League តែងតែជាក្រុមខ្លាំង។ ជាធម្មតាពួកគេមិនស្ថិតនៅកម្រិតលេងពាន Europa League ឡើយ ហើយ Manchester United គឺជាក្រុមមួយក្នុងចំណោមក្រុមកំពូលៗ”៕ sabay
