នៅថ្ងៃនេះអតីតមិត្តរួមក្លឹបរបស់កីឡាករឆ្នើម Messi ម្នាក់បានធ្វើការលើកឡើងថា Messi នឹងផ្ទេរទៅលេងជាមួយនឹងក្លឹបអ៊ីតាលី Napoli ដើម្បីបង្ហាញក្តីគោរព
ដ៏ស្មោះស្ម័គ្រ ចំពោះវិរៈបុរសអាហ្សង់ទីនរបស់ខ្លួនគឺលោក Diego Maradona ។
លោក Kevin Prince Boateng បានប្រកាសបែបស្នើសុំឲ្យ Lionel Messi ដើម្បីទៅចូលរួមលេងជាមួយនឹងក្លឹប Napoli ដែលធ្វើបែបនេះក្នុងការបង្ហាញភាព
គោរពដ៏ខ្លាំងក្លាចំពោះលោក Marodona ដែលបានបាត់បង់ជីវិត ទៅក្នុងវ័យ៦០ឆ្នាំ កាលពីខែមុន។
គួរឲ្យដឹងដែរថា Napoli បានប្តូរឈ្មោះកីឡាដ្ឋានរបស់ខ្លួនទៅជា Stadio Diego Armando Maradona រួចទៅហើយដើម្បីជាការគោរព ព្រោះថាបុរសម្នាក់នេះគឺជា
អ្នកដែលអាចនាំយកពាន Serie A បានតែ២ដងគត់កាលពីឆ្នាំ១៩៨៧ និងឆ្នាំ១៩៩០ បន្ទាប់ពីបានចាកចេញពី Barcelona៕
ប្រែសម្រួល៖ស៊ុនលី
