បរទេស៖ បុគ្គលិកពេទ្យជួរមុខ នៅប្រទេសកូរ៉េ ដែលបានប្រយុទ្ធប្រឆាំងនឹងវីរុសកូវីដ ១៩ ចាប់តាំងពីខែមករាមកនោះ កំពុងទទួលនូវផលវិបាកធ្ងន់ធ្ងរ ដោយសារការកើនឡើង យ៉ាងឆាប់រហ័ស នៃករណីឆ្លងវីរុសថ្មីៗ ដែលបង្ហាញសញ្ញាថា មិនមានការថយចុះ ចំពេលមានរលកទីបី។
យោងតាមសារព័ត៌មាន Korean Times ចេញផ្សាយនៅថ្ងៃទី១១ ខែធ្នូ ឆ្នាំ២០២០ បានឱ្យដឹងថា ការកើនឡើងយ៉ាងឆាប់រហ័ស នៃចំនួនអ្នកជំងឺវីរុសកូរ៉ូណា ក្នុងរយៈពេលប៉ុន្មានសប្តាហ៍ថ្មីៗនេះ បាននាំឱ្យមានការកើនឡើង នៃចំនួនអ្នកជំងឺធ្ងន់ធ្ងរ ដែលបានដាក់បន្ទុកបន្ថែម លើបុគ្គលិកពេទ្យ ដែលអស់កម្លាំងរួចទៅហើយនោះ។
ក្រុមគ្រូពេទ្យនិងគិលានុបដ្ឋាយិកា កំពុងរកឃើញស្ថានការណ៍ ដែលមានសភាពខ្លាំងក្លាជាពិសេស មិនមានសញ្ញាច្បាស់លាស់ណាមួយ ថាតើវិបត្តិសុខភាពសាធារណៈ នឹងត្រូវបញ្ចប់នៅពេលណាទេ ដោយសារករណីឆ្លងប្រចាំថ្ងៃថ្មី របស់ប្រទេសនេះនៅតែបន្តកើនឡើង ដោយសារក្រុមមនុស្ស មានជំងឺឆ្លងម្តងហើយម្តងទៀត ដែលបានទៅមើលផ្ទះ ថែទាំកន្លែងសាសនា វិទ្យាស្ថានអប់រំឯកជន មូលដ្ឋានយោធា និងការជួបជុំក្រុមគ្រួសារ ឬមិត្តភក្តិនៅទូទាំងប្រទេស។
យោងតាមទីភ្នាក់ងារត្រួតពិនិត្យ និងការពារជំងឺកូរ៉េ (KDCA) កាលពីថ្ងៃសុក្រ ប្រទេសកូរ៉េខាងត្បូង បានបន្ថែមការឆ្លងថ្មីចំនួន ៦៨៩ សម្រាប់ថ្ងៃព្រហស្បតិ៍ ដោយបង្កើនចំនួនសរុបដល់ ៤០.៧៨៦ នាក់៕ ប្រែសម្រួលៈ ណៃ តុលា
