កាលពីចុងសប្ដាហ៍កន្លងទៅ ក្រុម Arsenal បានបរាជ័យក្រោមថ្វីជើងក្រុម Burnley ក្នុងលទ្ធផល ១-០ ដែល១គ្រាប់នោះ ជាការធ្វើឱ្យចូលទីខ្លួនឯងរបស់ Aubameyang ។
លេងនៅដីខ្លួនឯង និងមានអ្នកគាំទ្រចូលទស្សនាផងនោះ ក្រុមកាំភ្លើងធំបែរជាមិនអាចយកជ័យជម្នះបាននោះទេ ហើយវាក៏ជាកំណត់ត្រា អាក្រក់មួយ សម្រាប់ក្រុមថែមទៀត ព្រោះប៉ុន្មានប្រកួតមកហើយ ពួកគេមិនអាចយកបានពិន្ទុសោះ ។ ជាមួយការធ្វើមិនបានល្អនេះហើយ គេស្រាប់តែសង្កេតឃើញមានអ្នកគាំទ្រម្នាក់ ដែលចូលទស្សនាការ ប្រកួតនេះ បានយកម៉ាស់ដែលខ្លួនពាក់នោះ ទៅគ្របភ្នែកទៅវិញ។
មិនមានការបញ្ជាក់ច្បាស់ ពីមូលហេតុនេះឡើយ ប៉ុន្តែអ្នកវិភាគនិងលេងបណ្ដាញ សង្គមជាច្រើនយល់ឃើញថា នេះប្រហែលជាមកពីអ្នកគាំទ្រ រូបនេះលេងចង់ឃើញលទ្ធផលមិនល្អរបស់ក្រុមទៀតហើយមើលទៅ ។
សូមរំលឹកថា Arsenal នៅពេលនេះ កំពុងស្ថិតនៅលេខ១៥ ក្នុងតារាង ដោយឆ្លងកាត់១២ប្រកួត ទើបមាន១៣ពិន្ទុប៉ុណ្ណោះ៕ sabay
