ក្រុមបិសាចក្រហម Manchester United បានយកឈ្នះលើក្រុម Sheffield United ក្នុងលទ្ធផល ៣-២ សម្រាប់ការប្រកួតពានរង្វាន់ English Premier League ។
ក្នុងដី Sheffield United នៅត្រឹមនាទីទី៥ McGoldrick រកបាន១គ្រាប់នាំមុខទៅហើយ ប៉ុន្តែមិនយូរប៉ុន្មានផង ក្រុមបិសាចក្រហម ក៏រកគ្រាប់បាល់តាមស្មើវិញបាន ដោយខ្សែប្រយុទ្ធ Marcos Rashford នៅនាទី២៦។ ក្រោយមកទៀត Martial ក៏បន្ថែមគ្រាប់បាល់ទី២បានទៀត នៅនាទី៣៣ មុនពេល Rashford ដដែលបន្ថែមគ្រាប់ទី៣បាន នៅនាទី៥១។ ក្រោយមកទៀត Sheffield ក៏ព្យាយាមរកគ្រាប់បាល់រហូតបានគ្រាប់ទី២ដែរ នៅនាទី៨៧ ដោយ McGoldrick ដដែល ដើម្បីបញ្ចប់ការប្រកួត Sheffield ចាញ់ Man Utd ក្នុងលទ្ធផល ៣-២។
ក្រោយពីចប់ការប្រកួតនេះទៅ លោក Paul Scholes អ្នកវិភាគនិងអតីតកីឡាករ Man Utd បានមើលឃើញថាបិសាចក្រហមពេលនេះ មានទម្រង់លេងល្អឡើងវិញហើយ។ ប្រសិនបើពួកគេមិនមានកីឡាកររបួសទេ នៅ២៦ ប្រកួតខាងមុខទៀត នោះពួកគេ នឹងមានឱកាសឈ្នះពានមិនខាន។ ពួកគេកំពុងសប្បាយចិត្ត ក្នុងការលេងក្បួនរបស់ពួកគេ៕ ប្រភព៖ sabay
