ខ្សែប្រយុទ្ធ Lionel Messi បានបំបែកកំណត់ត្រា រកគ្រាប់បាល់បានច្រើនបំផុត ក្នុងមួយក្លឹបរបស់វីរបុរស Pele ហើយ ក្រោយពីរកបាន១គ្រាប់ នៅយប់មិញនេះ។
Messi បានជួយក្រុមអ្នកមានបុណ្យ យកឈ្នះលើក្រុម Real Valladolid ក្នុងលទ្ធផល ៣-០ កាលពីយប់មិញនេះនៅក្របខណ្ឌ La Liga ។ ១គ្រាប់របស់ប្រធានក្រុមខាងលើ ក៏បានធ្វើឱ្យរូបគេបំបែកកំណត់ត្រាមួយ របស់កំពូលវីរបុរសបាល់ទាត់ Pele ផងដែរ ។ ពោលគឺបច្ចុប្បន្ននេះលេងឱ្យតែ Barcelona បានធ្វើឱ្យ Messi មាន៦៤៤គ្រាប់ហើយ ស្របពេលកំណត់ត្រាលេងឱ្យតែ១ក្លឹបដែររបស់ Pele មានត្រឹមតែ៦៤៣គ្រាប់ប៉ុណ្ណោះ។
សាមីខ្លួន Messi ក្រោយពីបំបែកកំណត់ត្រានេះបានហើយ ខ្លួនបាននិយាយថាតាំងពីចូលលេងបាល់ មកមិនដែលគិតសោះឡើយថា នឹងអាចធ្វើរឿងនេះបាន។ យ៉ាងណាមិញ នេះជាការសម្រេចបានល្អមួយរបស់ខ្លួន ក្នុងអាជីពកីឡាករបាល់ទាត់ហើយ ៕ sabay
