ចិន ៖ លោក Zhang Qiang ដែលបើកហាងលក់ស្មាតហ្វូនមួយ នៅទីក្រុងប៉េកាំងខែវិច្ឆិកា គឺជាខែរវល់បំផុតនៅក្នុងប្រទេសចិន ព្រោះអតិថិជនសក្តានុពល ៨ នាក់ក្នុងចំណោម ១០ នាក់ដែលបានមកលេងហាង របស់លោកបានទិញស្មាតហ្វូន 5G ម្នាក់ៗមួយយោងតាមការចេញផ្សាយ ពីគេហទំព័រឆៃណាឌៀលី ។
លោក Zhang បាននិយាយថា ពួកគេភាគច្រើនបានឆែកមើលស្មាតហ្វូន 5G មិនមែនគ្រប់គ្នាទិញវាទេ ប៉ុន្តែខ្ញុំអាចមើលឃើញភាពរីករាយ កាន់តែខ្លាំងសម្រាប់ 5G ។ សុទិដ្ឋិនិយម របស់លោកហាក់ដូចជាសមរម្យ ដោយសារស្ថានីយ៍ 5G ច្រើនជាង ៧០០.០០០ ត្រូវបានសាងសង់នៅទូទាំងប្រទេសចិន ពួកគេគ្របដណ្តប់គ្រប់ ទីក្រុងកម្រិតរដ្ឋបាល ។
អ្នកប្រើប្រាស់ស្មាតហ្វូន ក្នុងស្រុកកាន់តែច្រើន មានបំណងចង់ ធ្វើឲ្យប្រសើរឡើងដល់5G ។ គិតត្រឹមថ្ងៃទី ៣១ ខែតុលា ស្មាតហ្វូន 5G ចំនួន ១២៤ លានគ្រឿង ត្រូវបានដឹកជញ្ជូនចេញពីរោងចក្រ ទៅកាន់ហាងលក់រាយទូទាំងប្រទេសចិន ។
នេះបើយោងតាមបណ្ឌិត្យសភា បច្ចេកវិទ្យាព័ត៌មាននិងគមនាគមន៍ចិន ដែលមានទំនាក់ទំនង ជាមួយក្រសួង ឧស្សាហកម្មនិងបច្ចេកវិទ្យាព័ត៌មានថា នោះជាការគួរឲ្យចាប់អារម្មណ៍ ក្នុងការពិចារណាថា សេវាកម្ម 5G ពាណិជ្ជកម្មត្រូវបានដាក់ឲ្យដំណើរ ការក្នុងរយៈពេលមួយឆ្នាំក្រោយ ៕ ដោយ៖លី ភីលីព
