អាប៉ូឡូ៨ឬApollo8 គឺជាបេសកកម្មលើកដំបូង ដែលមានអាវកាសយានិក ធ្វើការជាមួយហើយការធ្វើដំណើរ ពីឋានព្រះចន្ទវិលត្រឡប់ មកផែនដីវិញត្រូវ បានធ្វើឡើងដោយសុវត្ថិភាព នាថ្ងៃទី២៧ខែធ្នូ កាលពីឆ្នាំ១៩៦៨ គឺបន្ទាប់ពីការធ្វើដំណើរ រយៈពេលប្រាំមួយថ្ងៃ ជាប្រវត្តិសាស្ត្រនៅទីលំហអាកាស។
រំលឹកឲ្យដឹងថែមទៀត ដែរថាកាលពីថ្ងៃ២១ខែធ្នូ ឆ្នាំនោះ Apollo 8 ត្រូវបានបាញ់បង្ហោះ ដោយកាំជ្រួច Saturn 5 ដែលចែកចេញជា ៣ដំណាក់កាល ចេញពីតំបន់ Cape Caaveralរដ្ឋFlorida ជាមួយអវកាសយានិក លោក Frank Borman, James Lovell, Jr. និង William Anders ហើយនៅចំថ្ងៃណូអែល ក្រុមអាវកាសយានិក បានចូលទៅក្នុង គន្លងតារាវិថី ជុំវិញឋានព្រះច័ន្ទហើយវាបានក្លាយទៅជា យានអវកាស ដែលមានមនុស្សធ្វើដំណើរជាមួយដំបូងគេបង្អស់ ដែលមិនធ្លាប់ធ្វើមានពីមុនមក។
កាន់តែអស្ចារ្យជាងនេះ កាលពីថ្ងៃទី២១ខែកក្កដា នៅក្នុងរយៈពេលតែ១ឆ្នាំ បន្ទាប់អាវកាសយានិកលោក Neil A. Armstrong និងEdwin “Buzz” Aldrin ជាអ្នកអាវកាសយានិកនៃបេសកកម្ម Apollo 11 បានក្លាយជាមនុស្សដំបូង ដែលបានដើរនៅ លើភពព្រះច័ន្ទ៕ ប្រែសម្រួល:ស៊ុនលី
