អាមេរិក៖ប្រធានក្រុមហ៊ុនផលិតរថយន្តយក្សសហរដ្ឋងអាមេរិក Tesla លោក Elon Musk បានបង្ហើបឲ្យដឹងថា លោកធ្លាប់ប៉ុនប៉ងលក់ក្រុមហ៊ុនរថយន្តអគ្គិសនីរបស់លោកទៅឲ្យក្រុមហ៊ុនបច្ចេកវិទ្យាយក្សអាមេរិក Appleយោងតាមការចេញផ្សាយពី គេហទំព័រស្គាយញ៉ូវ។
លោក Musk វ័យ៤៩ ឆ្នាំមិនបាននិយាយច្បាស់ទេ នៅពេលលោកស្នើសុំជួបប្រជុំជាមួយនាយកប្រតិបត្តិក្រុមហ៊ុនបច្ចេកវិទ្យាដ៏ធំមួយនេះ ប៉ុន្តែលោកបានពណ៌នាថា វាស្ថិតក្នុងថ្ងៃដ៏ខ្មៅបំផុតនៃកម្មវិធី Model 3។ ក្រុមហ៊ុន Tesla បានព្យាយាមបំពេញគោលដៅផលិតកម្មរថយន្តសម្រាប់រថយន្តអគ្គិសនី ត្រូវបានរចនាឡើងជាលើកដំបូងសម្រាប់ទីផ្សារទ្រង់ទ្រាយធំកាលឆ្នាំ ២០១៧ និង ២០១៨ ។
នៅពេលនោះលោក Musk បាននិយាយថា ក្រុមហ៊ុនកំពុងស្ថិតនៅក្នុង នរកផលិតកម្មដោយស្តីបន្ទោសបញ្ហាជាមួយប្រព័ន្ធផលិតកម្មស្វ័យប្រវត្តិកម្មនៅរោងចក្រអាគុយរបស់ខ្លួននៅរដ្ឋ Nevada ។ ក្នុងសារ tweet មួយទៅកាន់អ្នកដើរតាមលំអាន លោក ចំនួន៤១ ម៉ែត្រ លោក Musk បានថាបានស្នើសុំជួបជាមួយប្រធាន Apple លោក Tim Cook ពិភាក្សាពីលទ្ធភាពនៃការទិញចំពោះក្រុមហ៊ុន Apple លើក្រុមហ៊ុន Tesla (១ភាគ ១០ នៃតម្លៃបច្ចុប្បន្នរបស់យើង)៕
