MADRID៖ ឆ្នាំ២០២១ អាចជាឆ្នាំដែលត្រូវរស់រានមានជីវិត ឬស្លាប់សម្រាប់កិច្ចខិតខំប្រឹងប្រែង របស់អឺរ៉ុបក្នុងការតាមឲ្យទាន់ប្រទេសចិន និងសហរដ្ឋអាមេរិក សម្រាប់ការបង្កើតបណ្តាញ ទូរគមនាគមន៍ជំនាន់ទី ៥ (៥G) ដែលមានល្បឿនលឿនបំផុត នេះបើយោងតាមការចេញផ្សាយ ពីគេហទំព័រជប៉ុនធូដេ។
បេសកកម្មដើម្បីណែនាំបច្ចេកវិទ្យា ដែលទីបំផុតសន្យាថា ល្បឿនអ៊ីនធើណេត លឿនជាងថ្ងៃនេះដល់ទៅ ២០ ដងអាចជាកត្តាចាំបាច់ ដើម្បីឲ្យទ្វីបទំាងនេះ មានការប្រកួតប្រជែង ពីការបំផ្លិចបំផ្លាញសេដ្ឋកិច្ច នៃជំងឺរាតត្បាតCOVID-19។ ដោយចងចាំពីបញ្ហានេះសហភាពអ៊ឺរ៉ុប កំពុងប្រមូលថវិកាចំនួន ៥.៥០០ ពាន់លានអឺរ៉ូ (៩១៤ ពាន់លានដុល្លារ) ដើម្បីស្តារសមត្ថភាពឌីជីថលរបស់ប្រទេស។
ប្រតិបត្តិករទូរស័ព្ទចល័តអ៊ឺរ៉ុប មានការស្ទាក់ស្ទើរជាយូរមកហើយ ក្នុងការចាប់ផ្តើមវិនិយោគលើបណ្តាញ 5G ដែលអាចគាំទ្រដល់រោងចក្រឆ្លាតវៃ និងរថយន្តបើកបរដោយខ្លួនឯង ដោយសារតែកង្វះភាពច្បាស់លាស់ ខាងនយោបាយអំពីថា តើពួកគេត្រូវតែគោរព តាមការទាមទាររបស់អាមេរិក ដើម្បីដកអ្នកផ្គត់ផ្គង់គ្រឿងបរិក្ខារ ឈានមុខគេក្រុមហ៊ុន Huawei និងអ្នកលក់ចិនផ្សេងទៀត ។
ប៉ុន្តែត្រូវបានលើកទឹកចិត្ត ដោយការប្តេជ្ញាចិត្តផ្នែកហិរញ្ញវត្ថុ របស់សហភាពអ៊ឺរ៉ុប ចំពោះបច្ចេកវិទ្យានៅក្នុងតំបន់នេះ នៅពេលរដ្ឋបាលសហរដ្ឋអាមេរិក កំពុងផ្លាស់ប្តូរនិងការភ័យខ្លាច នៃការធ្លាក់ចុះបន្ថែមទៀត នៅពីក្រោយពិភពលោកឧស្សាហកម្ម កំពុងរៀបចំភ្ជួរទៅមុខនៅឆ្នាំ ២០២១ ។
លោក Pekka Lundmark នាយកប្រតិបត្តិ ក្រុមហ៊ុនផលិតឧបករណ៍ បណ្តាញហ្វាំងឡង់ Nokia បានប្រាប់ថា ជាអកុសលអឺរ៉ុបនៅពីក្រោយ ប៉ុន្តែការដាក់ឲ្យដំណើរការ កំពុងបង្កើនល្បឿនរួចហើយ ហើយនៅឆ្នាំ ២០២១ ខ្ញុំគិតថា វានឹងប្រមូលបានល្បឿនកាន់តែច្រើន នៅក្នុងប្រទេសភាគច្រើន៕ ដោយ៖លី ភីលីព
