តូក្យូ៖ មេដឹកនាំធុរកិច្ចជប៉ុនបានសន្យា ដើម្បីស្តារសេដ្ឋកិច្ចរបស់ប្រទេសនវរស់ឡើងវិញ បន្ទាប់រងគ្រោះដោយសារការឆ្លងរាលដាលនៃមេរោគCOVID-19 នៅឆ្នាំនេះតាមរយៈការច្នៃប្រឌិតឌីជីថលនិងប្រកបដោយនិរន្តរភាពយោងតាម ការចេញផ្សាយពីគេហទំព័រជប៉ុនធូដេ។
នៅក្នុងសារចូលឆ្នាំថ្មី លោក Hiroaki Nakanishi ប្រធានសហព័ន្ធពាណិជ្ជកម្មជប៉ុនត្រូវបានគេស្គាល់ថា Keidanren បានគូសបញ្ជាក់ពីសារសំខាន់ សម្រាប់ទាំងវិស័យសាធារណៈ និងឯកជនក្នុងការខិតខំប្រឹងប្រែងរួមគ្នាដើម្បី ទប់ស្កាត់ការឆ្លងវីរុស និងជំរុញសេដ្ឋកិច្ច។ ឆ្នាំ ២០២១ ជាឆ្នាំនៃការរស់ឡើងវិញពីការរាតត្បាត ហើយលោក Nakanishi បានថ្លែងថា កត្តាសំខាន់គឺការផ្លាស់ប្តូរឌីជីថល និងការដកហូតឌីជីថលដោយសារ វិស័យជាច្រើនដូចជាប្រព័ន្ធរដ្ឋបាលវេជ្ជសាស្ត្រ និងប្រព័ន្ធអប់រំនៅក្នុងប្រទេសជប៉ុនបានបង្ហាញពីភាពងាយរងគ្រោះដោយសារប្រព័ន្ធឌីជីថលខ្សោយ និងបទប្បញ្ញត្តិតឹងរឹងនៅពេល ការរាតត្បាតសកល។
លោកក៏បានបន្តថា Keidanren នឹងផ្លាស់ប្តូរឆ្ពោះទៅរកគោលនយោបាយបៃតង ដែលដឹកនាំដោយលោកនាយករដ្ឋមន្រ្តី Yoshihide Suga បានមានប្រសាសន៍ថា ប្រទេសជប៉ុននឹងមានគោលបំណងដើម្បីសម្រេច បាននូវអព្យាក្រឹតភាពកាបូន ឬការបញ្ចេញកាបូនឌីអុកស៊ីតសុទ្ធនៅឆ្នាំ ២០៥០ ។ យើ ងត្រូវធ្វើឲ្យប្រព័ន្ធថាមពល អគ្គិសនីបច្ចុប្បន្នស្រស់ និងបង្កើតការច្នៃប្រឌិតថ្មីឥតឈប់ឈរ។
លោក Kengo Sakurada ប្រធានសមាគមន៍ប្រតិបត្តិជប៉ុនបានអំពាវនាវដល់អ្នកគ្រប់គ្រងសាជីវកម្ម ឲ្យ ប្តេជ្ញាចិត្តក្នុងការច្នៃប្រឌិត និងឧស្សាហកម្មរបស់ខ្លួនឲ្យខ្លាំងក្លា ដើម្បីបង្កើតគំរូសេដ្ឋកិច្ចសង្គមថ្មី។លោក Sakurada បានបន្តថា ការច្នៃប្រឌិតឌីជីថល និងបៃតងនឹងជំរុញឲ្យមានកំណែទម្រង់សង្គម ដោយបន្ថែមថា ប្រទេសជប៉ុនអាចដឹកនាំពិភពលោកក្នុងវិស័យមួយចំនួន ដូចជាវិស័យថែទាំសុខភាពនិងឧស្សាហកម្មផលិតកម្មជាមួយនឹង ការប្រមូលផ្ដុំនៃចំណេះដឹងរបស់ខ្លួន៕
ដោយ៖លី ភីលីព
