តូក្យូ ៖ យោងតាមការស្ទង់មតិ របស់ទីភ្នាក់ងារសារព័ត៌មានក្យូដូ បានឲ្យដឹងថា ក្រុមហ៊ុនធំៗ ប្រមាណ ៧២ ភាគរយ នៃក្រុមហ៊ុនជប៉ុនរំពឹងថា សេដ្ឋកិច្ចនឹងកើនឡើង ក្នុងល្បឿនមធ្យមក្នុងឆ្នាំ ២០២១ ស្របពេលដែលក្តីសង្ឃឹមថា ការថយចុះនៃជំងឺរាតត្បាតCOVID-19ជាក់ជាមិនខានយោង តាមការចេញផ្សាយ ពីគេហទំព័រជប៉ុនធូដេ ។
ទោះបីជាមានទស្សនវិស័យ វិជ្ជមាន ចំពោះសេដ្ឋកិច្ចធំ លំដាប់ទី៣ របស់ពិភពលោក ជាងមួយភាគបួន នៃក្រុមហ៊ុនចំនួន ១០៩ នៅក្នុងការស្ទង់មតិនេះឬ ២៩ ភាគរយ បាននិយាយថា ពួកគេមិនប្រាកដថា តើការលក់របស់ពួកគេនឹងវិលត្រឡប់មកកម្រិតមុនរាតត្បាត ហើយ ១៣ ភាគរយរំពឹងថា ការងើបឡើងវិញ ដើម្បីសម្រេចបាននៅឆ្នាំ ២០២៣ ឬក្រោយមកបង្ហាញថា ក្រុមហ៊ុនជប៉ុននៅតែមានការ ប្រុងប្រយ័ត្នចំពោះអាជីវកម្មរបស់ពួកគេ ។
ស្មារតីប្រុងប្រយ័ត្ន បានឈានដល់ចុងឆ្នាំ ២០២០ នៅពេលប្រទេសជប៉ុន ត្រូវបានរងគ្រោះដោយការឆ្លងឡើងវិញ នូវករណីឆ្លងវីរុស ។ វាបានកើតឡើង នៅពេលសេដ្ឋកិច្ចជប៉ុន កំពុងស្ទុះងើបឡើងវិញជាបណ្តើរ ៗ ពីការធ្លាក់ចុះ ដ៏អាក្រក់បំផុត របស់ខ្លួននៅក្នុងត្រីមាសខែមេសា – មិថុនា ស្របពេលប្រទេសជប៉ុន ស្ថិតនៅក្រោមស្ថានភាព អាសន្នលើមេរោគឆ្លងមេរោគថ្មី ។
នាយករដ្ឋមន្ត្រី Yoshihide Suga បានព្យាយាមធ្វើឲ្យមានតុល្យភាព គាំទ្រដល់ សេដ្ឋកិច្ច និងដោះស្រាយវិបត្តិសុខភាព ប៉ុន្តែការដោះស្រាយ របស់លោកចំពោះជំងឺរាតត្បាត ត្រូវបានគេចោទសួរ ។ ការស្ទង់មតិនេះបានរកឃើញថា ៧២ ភាគរយឃើញថា មានកំណើនមធ្យម និង ១៧ ភាគរយទៀតរំពឹងថាស្ថានភាពសេដ្ឋកិច្ចនឹងមិនផ្លាស់ប្តូរ។ អ្នកខ្លះ ២ ភាគរយបាននិយាយថា សេដ្ឋកិច្ចនឹងរីកលូតលាស់រីឯ ២ ភាគរយទៀតរំពឹងថាធ្លាក់ចុះ ៕ដោយ៖លី ភីលីព
