វ៉ាស៊ីនតោន៖ ក្រុមហ៊ុន Twitter Inc បានឲ្យដឹងថា ខ្លួនបានផ្អាកសោគណនី របស់ប្រធានាធិបតីលោក ដូណាល់ ត្រាំ អស់រយៈពេល ១២ ម៉ោងលើសារធ្វីតធ័រ ដែលលោកបានបង្ហោះ ចំពេលមានការតវ៉ាកាន់តែខ្លាំងឡើងៗ ពីសំណាក់អ្នកគាំទ្រ របស់លោកនៅក្នុងទឹកដី កាពីតូលសហរដ្ឋអាមេរិក។
ក្រុមហ៊ុន Twitter បានឲ្យដឹងថា “ជាលទ្ធផលនៃស្ថានភាពអំពើហិង្សា ដែលមិនធ្លាប់មាន និងកំពុងកើតមាន នៅវ៉ាស៊ីនតោនឌីស៊ី យើងបានទាមទារឱ្យដក @realDonaldTrump Tweets ចំនួន ៣ ដែលត្រូវបានចុះផ្សាយនៅថ្ងៃនេះ ចំពោះការរំលោភម្តងហើយម្តងទៀត និងធ្ងន់ធ្ងរ” នៃគោលនយោបាយរបស់យើង។
ក្រុមហ៊ុននេះ ក៏បានឲ្យដឹងផងដែរថា“ នេះមានន័យថា គណនីរបស់ @realDonaldTrump នឹងត្រូវបានផ្អាកដំណើរការរយៈពេល ១២ ម៉ោង បន្ទាប់ពីការដកចេញនូវ Tweets ទាំងនេះ” ។
ក្រុមហ៊ុន Twitter Inc បានឲ្យដឹងកាលពីថ្ងៃពុធថា ខ្លួនបានផ្អាកគណនី របស់ប្រធានាធិបតីលោក ដូណាល់ ត្រាំ អស់រយៈពេល ១២ ម៉ោង លើសារធ្វីតធ័រដែលលោក បានបង្ហោះ ចំពេលមានការតវ៉ាកាន់តែខ្លាំងឡើងៗ ពីសំណាក់អ្នកគាំទ្ររបស់លោក នៅក្នុងទឹកដីកាពីតូល សហរដ្ឋអាមេរិក៕ ដោយ៖ ឈូក បូរ៉ា
